ନୂଆଦିଲ୍ଲୀ: କେନ୍ଦ୍ରୀୟ କର୍ମଚାରୀଙ୍କୁ ମିଳିବାକୁ ଯାଉଛି ଏକ ଖୁସି ଖବର । ଆସନ୍ତା ମାର୍ଚ୍ଚ ମାସରେ ସେମାନେ ହୋଲି ପୂର୍ବରୁ ଭଲ ଖବର ପାଇପାରନ୍ତି। ସୂଚନା ଅନୁଯାୟୀ, କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା (ଡିଏ) ୪% ବୃଦ୍ଧି ହୋଇପାରେ । ବୃଦ୍ଧି ପରେ ଏହା ୪୬% ରୁ ୫୦% କୁ ବୃଦ୍ଧି ପାଇବ। ଗଣମାଧ୍ୟମ ରିପୋର୍ଟ ଅନୁଯାୟୀ, ମାର୍ଚ୍ଚରେ ସରକାର ଏହା ଘୋଷଣା କରିବାକୁ ପ୍ରସ୍ତୁତ ହେଉଛନ୍ତି। କେନ୍ଦ୍ରୀୟ କର୍ମଚାରୀମାନେ ୧ ଜୁଲାଇ ୨୦୨୩ ରୁ ବର୍ଦ୍ଧିତ ଭତ୍ତାର ଲାଭ ପାଇବେ । ଅକ୍ଟୋବର୨୦୨୩ ରେ, ଡିଏକୁ ୪% ବୃଦ୍ଧି କରି ୪୬% କୁ ବୃଦ୍ଧି କରାଯାଇଥିଲା । ଏହା ଦ୍ବାରା ପ୍ରାୟ ୪୮.୬୭ ଲକ୍ଷ କେନ୍ଦ୍ରୀୟ କର୍ମଚାରୀ ଏବଂ ପ୍ରାୟ ୬୭.୯୫ ଲକ୍ଷ ପେନସନଭୋଗୀ ଉପକୃତ ହେବେ। ବିଶେଷଜ୍ଞଙ୍କ ଅନୁଯାୟୀ, ଜାନୁଆରୀ ଏବଂ ଜୁଲାଇରେ କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା ବର୍ଷକୁ ଦୁଇଥର ବୃଦ୍ଧି କରାଯାଇଥାଏ। ପ୍ରକୃତରେ, ମୁଦ୍ରାସ୍ଫୀତି ବୃଦ୍ଧି ଯୋଗୁ ସରକାରୀ କର୍ମଚାରୀ ଏବଂ ପେନସନଭୋଗୀଙ୍କୁ ମହଙ୍ଗା ଭତ୍ତା ଦିଆଯାଇଥାଏ । ଯାହାଫଳରେ ସେମାନେ ନିଜ ଜୀବନଶୈ ଳୀକୁ ବଜାୟ ରଖିପାରିବେ ।ସୂଚନାନୁସାରେ, ଦେଶର ମୁଦ୍ରାସ୍ଫୀତି ଅନୁଯାୟୀ ଏହା ପ୍ରତି ଛଅ ମାସରେ ହିସାବ କରାଯାଏ। କର୍ମଚାରୀଙ୍କ ବେସିକ ଦରମା ଅନୁଯାୟୀ ଏହା ସ୍ଥିର ହୋଇଥାଏ। ବେସିକ ବେତନରେ ଗ୍ରେଡ୍ ବେତନ ଯୋଡିବା ପରେ, ମହଙ୍ଗା ଭତ୍ତାର ହାର ବହୁଗୁଣିତ ହୁଏ। ଉଦାହରଣ ସ୍ୱରୂପ, ଯଦି କାହାର ବେସିକ ଦରମା ୧୦,୦୦୦ ଟଙ୍କା ଏବଂ ଗ୍ରେଡ୍ ପେ ହେଉଛି ୧୦୦୦ ଟଙ୍କା । ଉଭୟ ଯୋଗ କଲେ ଏହା ୧୧,୦୦୦ ଟଙ୍କା ହୋଇଥାଏ। ବର୍ତ୍ତମାନ ଯଦି ମହଙ୍ଗା ଭତ୍ତା ୫୦% ରଖାଯାଏ, ତେବେ ଏହା ୫,୫୦୦ଟଙ୍କା ହେବ।