ନୂଆଦିଲ୍ଲୀ:ଭାରତୀୟ ବଜାରରେ ସୁନା ଓ ରୂପା ଦରରେ ଲଗାତାର ଦ୍ୱିତୀୟ ଦିନ ପାଇଁ ବଡ଼ ଧରଣର ହ୍ରାସ ଦେଖିବାକୁ ମିଳିଛି। ମଲ୍ଟି କମୋଡିଟି ଏକ୍ସଚେଞ୍ଜରେ କାରବାର ଆରମ୍ଭ ହେବା ମାତ୍ରେ ଉଭୟର ଦର ଖସିଥିଲା।ମଙ୍ଗଳବାର ଦିନ ୧ କିଲୋଗ୍ରାମ ରୂପା ଦରରେ ହଠାତ୍ ୫,୨୯୬ ଟଙ୍କାର ହ୍ରାସ ଘଟି ଏହା ୨,୩୦,୮୦୩ ଟଙ୍କାର ସ୍ତରକୁ ଖସି ଆସିଛି। ଶୁକ୍ରବାର ଦିନ ରୂପା ଦର ୨,୩୭,୪୧୦ ଟଙ୍କା ଥିଲା। ଗତ ଦୁଇ ଦିନ ଭିତରେ ରୂପା ମୋଟ ୬,୬୦୭ ଟଙ୍କା ଶସ୍ତା ହୋଇଛି। ଚଳିତ ବର୍ଷ ଆରମ୍ଭରେ ରୂପା ଦର ୪ ଲକ୍ଷ ଟଙ୍କାର ଐତିହାସିକ ସ୍ତରକୁ ଛୁଇଁଥିଲା। ତେବେ ବର୍ତ୍ତମାନର ଦର ଏହାର ଲାଇଫ୍ ଟାଇମ୍ ହାଇଠାରୁ ପ୍ରାୟ ଅଧା ରହିଛି।ମଙ୍ଗଳବାର ଦିନ ୨୪ କ୍ୟାରେଟ୍ ସୁନା ଦର ୧,୫୬୬ ଟଙ୍କା ହ୍ରାସ ପାଇ ୧,୪୫,୩୫୧ ଟଙ୍କା (ପ୍ରତି ୧୦ ଗ୍ରାମ) ରେ ପହଞ୍ଚିଛି। ଗତ ଶୁକ୍ରବାର ସୁନା ଦର ୧,୪୭,୩୭୮ ଟଙ୍କା ଥିଲା। ଏହି ସପ୍ତାହରେ ସୁନା ମୋଟ ୨,୦୨୭ ଟଙ୍କା ଶସ୍ତା ହୋଇଛି।ଜାନୁଆରୀ ମାସରେ ସୁନା ଦର ପ୍ରଥମ ଥର ପାଇଁ ୨ ଲକ୍ଷ ଟଙ୍କା (ପ୍ରତି ୧୦ ଗ୍ରାମ) ଅତିକ୍ରମ କରିଥିଲା, ଯାହାକି ବର୍ତ୍ତମାନର ଦରଠାରୁ ବହୁତ ଅଧିକ।
୨୦୨୬ ମସିହାର ଆରମ୍ଭରେ ସୁନା ଓ ରୂପା ଦରରେ ପ୍ରବଳ ଉତ୍ଥାନ-ପତନ ଦେଖିବାକୁ ମିଳିଛି। ଡିସେମ୍ବର ୩୧, ୨୦୨୫ରେ ରୂପା ଦର ୨,୫୪,୦୮୨ ଟଙ୍କା ଥିଲା, ଯାହା ଜାନୁଆରୀରେ ୪ ଲକ୍ଷ ଟଙ୍କା ପାର୍ କରିଥିଲା। ବର୍ତ୍ତମାନର ମୂଲ୍ୟହ୍ରାସ ସାଧାରଣ ଗ୍ରାହକମାନଙ୍କ ପାଇଁ ସୁନା ଓ ରୂପା କିଣିବାର ଏକ ଭଲ ସୁଯୋଗ ସୃଷ୍ଟି କରିଛି।ନିବେଶକ ଓ ଗ୍ରାହକମାନଙ୍କୁ ପରାମର୍ଶ ଦିଆଯାଉଛି ଯେ ବଜାରର ଏହି ଅସ୍ଥିରତାକୁ ଦୃଷ୍ଟିରେ ରଖି ନିଷ୍ପତ୍ତି ନିଅନ୍ତୁ।
