୧୫ରୁ ରିଏଲିଟୀ ସୋ’ ବିଗ୍‌ବସ୍‌-୧୭

ମୁମ୍ବାଇ : ଚଳିତମାସ ୧୫ରୁ କଲର୍ସ ଚ୍ୟାନେଲରେ ସଲମାନ୍ ଖାନ୍ ପରିଚାଳିତ ରିଏଲିଟୀ ସୋ’ ବିଗ୍‌ବସ୍‌ର ସପ୍ତଦଶ ସଂସ୍କରଣ ଆରମ୍ଭ ହେବାକୁ ଯାଉଛି । ଏଥର ପ୍ରତିଯୋଗୀଭାବେ ଟିଭି ଅଭିନେତ୍ରୀ ଅଙ୍କିତା ଲୋଖଣ୍ଡେ, ତାଙ୍କ ସସ୍ୱାମୀ ଭିକି ଜୈନ୍‌, ଷ୍ଟାଣ୍ଡ୍ ଅପ୍ କମେଡିଆନ ମୁନାୱର ଫାରୁକି ଅଂଶଗ୍ରହଣ କରିବେ ବୋଲି ଚର୍ଚ୍ଚା ଚାଲିଛି । ସାଧାରଣତଃ ସୋ’ ପ୍ରସାରିତ ହେବାପୂର୍ବରୁ ପ୍ରତିଯୋଗୀଙ୍କ ନାମ ଘୋଷଣା କରାଯାଇନଥାଏ । ତେବେ ସୋସିଆଲ ମିଡିଆରେ ସମ୍ଭାବ୍ୟ ପ୍ରତିଯୋଗୀଙ୍କୁ ନେଇ ଚର୍ଚ୍ଚା ଆରମ୍ଭ ହୋଇସାରିଛି । ସୂଚନାଯୋଗ୍ୟ ମୁନାୱର ଗତବର୍ଷ କଙ୍ଗନା ରାଣାୱତ୍‌ଙ୍କ ଦ୍ୱାରା ସଞ୍ଚାଳିତ ରିଏଲିଟୀ ସୋ’ ଲକ୍‌ଅପ୍‌ରେ ଚମ୍ପିଆନ୍ ହୋଇଥିବାବେଳେ ବିଗ୍‌ବସ୍‌-୧୬ରେ ଅଂଶଗ୍ରହଣ କରିବାକୁ ଆଗ୍ରହ ପ୍ରକାଶ କରିଥିଲେ । ତେବେ ବିବାଦୀୟ ହୋଇପଡିଥିବାରୁ ସେତେବେଳେ ତାଙ୍କୁ ଏହି ସୁଯୋଗରୁ ବଞ୍ଚିତ ହେବାକୁ ପଡିଥିଲା ।