ୟୁକ୍ରେନରୁ ଫେରିବେ ଭାରତୀୟ, ଦିଲ୍ଲୀ ଓ ମୁମ୍ବାଇରୁ ଆଜି ଉଡ଼ାଣ କରିବ ବିମାନ

ନୂଆଦିଲ୍ଲୀ :  ଯୁଦ୍ଧ ପ୍ରଭାବିତ ୟୁକ୍ରେନରେ ଫସି ରହିଥିବା ଭାରତୀୟଙ୍କ ପାଇଁ ସରକାରଙ୍କ ଉଦ୍ଧାର ଯୋଜନାର ଏକ ଅଂଶ ଭାବରେ ଏୟାର ଇଣ୍ଡିଆ ରୋମାନିଆର ରାଜଧାନୀ ବୁଖାରେଷ୍ଟକୁ ଦୁଇଟି ବିମାନ ପଠାଇବାକୁ ଯୋଜନା କରିଛି। ସେହି ବିମାନରେ ଭାରତୀୟ ନାଗରିକଙ୍କୁ ଫେରାଇ ଅଣାଯିବ। ଆଜି ଏହି ଦୁଇଟି ବିମାନ ଉଡ଼ାଣ କରିବାର ସମ୍ଭାବନା ରହିଛି। ଏହି ଦୁଇଟି ବିମାନ ମଧ୍ୟରୁ ଗୋଟିଏ ଦିଲ୍ଲୀରୁ ଏବଂ ଅନ୍ୟଟି ମୁମ୍ବାଇରୁ ଉଡାଣ କରିବା ସ୍ଥିର ହୋଇଛି। ବିମାନ ଉଡ଼ାଣ ପାଇଁ ସରକାର ଏୟାର ଇଣ୍ଡିଆକୁ ସମସ୍ତ ଦେୟ ପ୍ରଦାନ କରିବେ। ଆସନ୍ତାକାଲି ମଧ୍ୟ ବୁଖାରେଷ୍ଟ ଏବଂ ବୁଦାପେଷ୍ଟକୁ ଗୋଟିଏ ଲେଖାଏଁ ବିମାନ ଉଡ଼ାଣ ଧାର୍ଯ୍ୟ କରାଯାଇଛି। ବୁଦାପେଷ୍ଟରେ ଥିବା ଭାରତୀୟ ଦୂତାବାସ ରୋମାନିଆ ଏବଂ ହଙ୍ଗେରୀ ସୀମା ନିକଟବର୍ତ୍ତୀ ସୀମା ନିକଟରେ ରହୁଥିବା ଛାତ୍ରଛାତ୍ରୀମାନଙ୍କୁ ପ୍ରଥମେ ସଂଗଠିତ ଉପାୟରେ ବୈଦେଶିକ ବ୍ୟାପାର ମନ୍ତ୍ରଣାଳୟ ସହ ସମନ୍ୱୟ ରକ୍ଷା କରି ଦେଶକୁ ଫେରାଇ ଅଣାଯିବ।