୭ମ ମହଲାରୁ ଡେଇଁ ୫ ସଦସ୍ୟଙ୍କ ଆତ୍ମହତ୍ୟା

ମଣ୍ଟ୍ରିକ୍ସ: ସ୍ୱିଜରଲାଣ୍ଡର ମଣ୍ଟ୍ରିକ୍ସ୍ ସହରର ଏକ ଆପାର୍ଟମେଣ୍ଟର ୭ମ ମହଲାରୁ ତଳକୁ ଡେଇଁ ଗୁରୁବାର ଗୋଟିଏ ପରିବାରର ୫ ଜଣ ସଦସ୍ୟ ଆତ୍ମହତ୍ୟା କରିଛନ୍ତିି । ମୃତକମାନେ ଫ୍ରାନ୍ସର ନାଗରିକ ବୋଲି ଜଣାପଡିଛି । କୌଣସି ଏକ ମାମଲାରେ ଜେରା କରିବାକୁ ପୁଲିସ ଦଳ ସେମାନଙ୍କ କବାଟ ବାଡେଇବା ପରେ ପରିବାରର ୬ ସଦସ୍ୟ ଆତଙ୍କିତ ହୋଇ ବାଲକୋନିରୁ ତଳକୁ ଡେଇଁପଡିଥିବା ପୁଲିସ ପକ୍ଷରୁ କୁହାଯାଇଛି । ୫ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବାବେଳେ ଜଣେ ୧୫ ବର୍ଷର ବାଳକ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛି ।