ଜାଲରେ ପଡ଼ିଲା ୨ କୁଇଣ୍ଟାଲ୍ ଓଜନ ବିଶିଷ୍ଟ ସାଙ୍କୁଚ ମାଛ

ନିଆଳି : କଟକ ଜିଲ୍ଲା ଅନ୍ତର୍ଗତ ନିଆଳିରୁ ପ୍ରାୟ ୨ କୁଇଣ୍ଟାଲ୍ ଓଜନର ସାଙ୍କୁଚ ମାଛ ଉଦ୍ଧାର ହୋଇଛି । ନିଆଳି ବିଳାଶୁଣି କନ୍ଦଳ ନଦୀର ବାଲିକୁଦ ଘାଟରେ କିଛି ବ୍ୟକ୍ତି ଆଜି ସକାଳେ ମାଛ ଧରୁଥିବାବେଳେ ଜାଲରେ ପଡିଥିଲା ଏହି ବିରାଟ ସାଙ୍କୁଚ ମାଛ । ମତ୍ସ୍ୟଜୀବୀଙ୍କ ଜାଲରେ ଏତେ ବଡ ସାଙ୍କୁଚ ଧରାପଡିବା ବିରଳ ଘଟଣା ବୋଲି କୁହାଯାଉଥିବା ବେଳେ ଏହାକୁ ଦେଖିବାକୁ ଲୋକଙ୍କ ଭିଡ଼ ଜମିଛି । ସାଙ୍କୁଚକୁ ଉଦ୍ଧାର କରି ଜଙ୍ଗଲ ବିଭାଗକୁ ଖବର ଦିଆଯାଇଛି । ଜଙ୍ଗଲ ବିଭାଗ କର୍ମଚାରୀ ପହଞ୍ଚିବା ପରେ ମାଛଟିକୁ ପାଣିରେ ଛଡ଼ାଯିବ ନା ଅନ୍ୟ କିଛି ବ୍ୟବସ୍ଥା କରାଯିବ ସେ ସମ୍ପର୍କରେ ନିଷ୍ପତ୍ତି ନିଆଯିବ ବୋଲି ସୂଚନା ମିଳିଛି ।