ଭୁବନେଶ୍ୱର : ସଟ୍ ସର୍କିଟରୁ ଜଳିଗଲା ଦୋକାନ । ଭୁବନେଶ୍ବର ଶୈଳଶ୍ରୀ ବିହାର ଫେଜ-୨ ଛକ ନିକଟରେ ଜଳିଗଲା ୩ଟି ଦୋକାନ । ଯାହାଫଳରେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଛି ।
ଖବର ଅନୁଯାୟୀ, ସୋମବାର ସକାଳୁ ସେହି ରାସ୍ତା ଦେଇ ଯାଇଥିବା ଇଲେକ୍ର୍ଟିକ ତାରରେ ଏକ କାଉ ବସିଥିବା ବେଳେ ହଠାତ୍ ସ୍ପାର୍କିଂ ହୋଇ କାଉଟି ଜଳିଯାଇଥିଲା । ସ୍ପାର୍କିଂ ଯୋଗୁ ନିଆଁ ଧାଷ ପାଲ ଉପରେ ପଡିବାରୁ ନିଆଁ ଲାଗିଥିଲା । ଫଳରେ ସେଠାରେ ଥିବା ଗଦି ଦୋକାନ, ଟେଣ୍ଟ ହାଉସ ଦୋକାନ, ସେଲୁନ, ପାନ ଦୋକାନ ସମ୍ପୂର୍ଣ୍ଣ ଜଳି ଯାଇଛି । ପାଖରେ ଥିବା ଏକ ସାଇକେଲ ଦୋକାନ ବି କ୍ଷତିଗ୍ରସ୍ତ ହୋଇଛି। ଖବରପାଇ ଅଗ୍ନିଶମବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲା। ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡିଯାଇଛି ।
