ଭୁବନେଶ୍ୱର :ମହେଶ୍ବର ମହାନ୍ତିଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି । ଏନେଇ ତାଙ୍କ ପୁଅ ସୁନୀଲ ମହାନ୍ତି ସୂଚନା ଦେଇଛନ୍ତି । ବାପାଙ୍କ ଉପରେ ଜଗନ୍ନାଥଙ୍କ ଆର୍ଶୀବାଦ ରହିଛି । ଖୁବ୍ ଶୀଘ୍ର ତାଙ୍କ ଦେହ ଭଲ ହୋଇଯିବ । ଗତ ଅକ୍ଟୋବର ୩୧ତାରିଖରେ ପୁରୀର ପୂର୍ବତନ ବିଧାୟକ ପୁରୀ ସହରର ବିଭିନ୍ନ ଅଞ୍ଚଳରେ ଗଜ ଲକ୍ଷ୍ମୀ ପୂଜା କମିଟି ଭ୍ରମଣ କରୁଥଲେ । ହଠାତ୍ ତାଙ୍କ ଦେହ ଅସୁସ୍ଥ ହୋଇପଡିଥିଲା ।
ତାଙ୍କୁ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାଙ୍କ ସ୍ବାସ୍ଥ୍ୟାବସ୍ଥା ବର୍ତ୍ତମାନ ସ୍ଥିର ରହିଛି । ଅସୁସ୍ଥତା ପାଇଁ ସେ କିଛି ଦିନ ହେବ ରାଜନୀତିରୁ ଦୂରେଇ ରହିଛନ୍ତି । ପୁରୀରୁ ସେ ୫ ଥର ବିଧାୟକ ଥିଲେ । ପଞ୍ଚାୟତିରାଜ, ପର୍ଯ୍ୟଟନ ଓ ସଂସ୍କୃତି, ଆଇନ, ରାଜସ୍ବ ଭଳି ମନ୍ତ୍ରୀ ଥିଲେ ମହେଶ୍ବର ମହାନ୍ତି । ସେ ଓଡ଼ିଶା ବିଧାନସଭାର ବାଚସ୍ପତି ଭାବେ ମଧ୍ୟ ଦାୟିତ୍ବ ତୁଲାଇଥିଲେ ।
