ବିଶାଖାପାଟଣା: ସାମ୍ନାକୁ ଆସିଲା ଭୟଙ୍କର ଦୁର୍ଘଟଣାର ଦୃଶ୍ୟ । ମୁହାଁମୁହିଁ ଧକ୍କା ହେଲେ ଦୁଇ କାର୍ । ଜାତୀୟ ରାଜପଥ ଉପରେ ନିୟନ୍ତ୍ରଣ ହରାଇ ପରସ୍ପର ସହ କାର୍ ଧକ୍କା ହେବା ଫଳରେ ୩ ଜଣଙ୍କ ମୃତ୍ୟୁ ହୋଇଛି । ଆନ୍ଧ୍ରପ୍ରଦେଶରର ଇଷ୍ଟ ଗୋଦାବରୀ ଜିଲ୍ଲାରେ ଘଟିଛି ଏଭଳି କିଛି ଭୟଙ୍କର ସଡକ ଦୁର୍ଘଟଣା । ଏହି ପୂରା ଘଟଣାର ଦୃଶ୍ୟ ସିସିଟିଭିରେ କଏଦ ହୋଇଛି ।
ସୂଚନା ମୁତାବକ, ମଙ୍ଗଳବାର ଗୋଦାବରୀ ଜିଲ୍ଲାର ଦେବରାପଲ୍ଲୀ ମଣ୍ଡଳରେ ଅପରାହ୍ନ ସମୟରେ ଏକ କାର୍ ନିୟନ୍ତ୍ରଣ ହରାଇ ଅନ୍ୟ ଏକ ଲେନ୍ ପସି ଯାଇଥିଲା । ଏହି ସମୟରେ ସାମ୍ନା ପଟୁ ଆସୁଥିବା ଅନ୍ୟ ଏକ କାର୍ ସହ ଧକ୍କା ହୋଇଥିଲା । ଏହି ଧକ୍କା ଏତେ ଭୟଙ୍କର ଥିଲା ଯେ, ଉଭୟ କାର୍ ଛିନଛତ୍ର ହୋଇଯାଇଛି । ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ହୋଇଛି । ଅନେକ ଲୋକେ ଆହତ ହୋଇଥିବା ବେଳେ ସେମାନଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି ।
