ଉତ୍ତରାଖଣ୍ଡ: ଉତ୍ତରାଖଣ୍ଡର ରାଜଧାନୀ ଦେହରାଡୁନ ସ୍ଥିତ କାଲସି-ସାହିଆ ରାସ୍ତାରେ ଶୁକ୍ରବାର ଅର୍ଥାତ ଏପ୍ରିଲ ୭ ବିଳମ୍ବିତ ରାତିରେ ଏକ କାର ଗଭୀର ଖାଇରେ ଖସିଛି । କାରରେ ଥିବା ଚାରି ଜଣଙ୍କ ମଧ୍ୟରୁ ତିନି ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବାବେଳେ ଜଣେ ବ୍ୟକ୍ତି ଗୁରୁତର ଆହତ ହୋଇଛନ୍ତି । ସକାଳେ ଉଦ୍ଧାର କାର୍ଯ୍ୟ ଆରମ୍ଭ ହେବା ପରେ ପୋଲିସ ଘଟଣା ସମ୍ପର୍କରେ ସୂଚନା ପାଇଥିଲା ।
ସୂଚନା ମୁତାବକ, ଲମ୍ୱା ୱିକେଣ୍ଡ ଥିଲା । ବନ୍ଧୁମାନେ ଦେହରାଡୁନ୍ ବୁଲିବାକୁ ପ୍ଲାନ୍ କରିଥିଲେ । ୪ ଜଣ କାର ନେଇ ବୁଲିବାକୁ ବାହାରି ଥିଲେ । କିନ୍ତୁ କାରଟି ଉତ୍ତରାଖଣ୍ଡର ଚକରାତାରେ କାରଟି ୨୦୦ ମିଟର ଗଭୀର ଖାଇରେ ଖସି ପଡ଼ିଥିଲା । ଏହି ଦୁର୍ଘଟଣାରେ ଦିଲ୍ଲୀର ଜଣେ ମହିଳାଙ୍କ ସମେତ ୩ ଜଣଙ୍କର ମୃତ୍ୟୁ ହୋଇଛି ।
କାର ଭିତରେ ଥିବା ଜଣେ ବ୍ୟକ୍ତି ପ୍ରାୟ ୭ ଘଣ୍ଟା ଧରି ଖାଇରେ ଫସି ରହିଥିଲେ । ଶନିବାର ସକାଳେ ଯେତେବେଳେ ପିକଅପ୍ ଗାଡି ଦେଖିବାକୁ ମିଳିଥିଲା, ସେତେବେଳେ ଡ୍ରାଇଭର ମାଧ୍ୟମରେ ପୋଲିସକୁ ସୂଚନା ଦିଆଯାଇଥିଲା । ମୃତକଙ୍କ ମଧ୍ୟରୁ ୨ ଜଣ ଗାଜିଆବାଦର । ମୃତକଙ୍କ ନାମ ପଞ୍ଚବଟୀ କଲୋନୀରେ ରହୁଥିବା ଋଷଭ ଜୈନ, ଦୁହାଇ ବାସିନ୍ଦା ସୁରଜ କାଶ୍ୟପ ଏବଂ ଦିଲ୍ଲୀର ଶାହଦରା ନିବାସୀ ଗୁଡ଼ିଆ ବୋଲି ଜଣାପଡିଛି ।
