ଜଗମୋହନପୁର ଫରେଷ୍ଟ ବିଟ ଅଞ୍ଚଳରେ ଦନ୍ତା ଉପଦ୍ରବ

କେନ୍ଦୁଝର: କେନ୍ଦୁଝର ଜିଲ୍ଲା ତେଲକୋଇ ରେଞ୍ଜ ଜଗମୋହନପୁର ଫରେଷ୍ଟ ବିଟ ଅଞ୍ଚଳରେ ଦନ୍ତା ର ଉପଦ୍ରବ ।ଘର ଭାଙ୍ଗିବାସହ ସାଇକେଲ ଓ ବାଇକ କୁ ମଧ୍ୟ କଚାଡି ଭାଙ୍ଗିଲା । ଗତକାଲି ବିଳମ୍ବିତ ରାତି ପ୍ରାୟ ୧୧ ଟା ସମୟରେ ଜଗମୋହନପୁର ପଞ୍ଚାୟତ ଅଙ୍ଗଦ ସରୁଆଳି ଗାଁରେ ପଶି ଚନ୍ଦ୍ରମଣି ପାତ୍ର ଙ୍କ ଘରର କବାଟ ଭାଙ୍ଗି ଧାନ ଚାଉଳ ଖାଇବା ସହ ସାଇକେଲ କୁ ଭାଙ୍ଗି ଦେଇଚି ।ସେପଟେ ଯୁଗଳ ପାତ୍ରଙ୍କ ଘର କାନ୍ଥ ଭାଙ୍ଗି ଧାନ ଖାଇବା ସହ ଘର ବାହାରେ ଥିବା ବାଇକ କୁ ମଧ୍ୟ କଚାଡି ଭାଙ୍ଗି ଦେଇଚି । ବାରମ୍ବାର ହାତୀ ଉପଦ୍ରବ ଜାରି ରହିଥିଲେ ମଧ୍ୟ ବନବିଭାଗ କୌଣସି ପଦକ୍ଷେପ ଗ୍ରହଣ କରୁନଥିବାରୁ ଜନ ଅସନ୍ତୋଷ ବୃଦ୍ଧି ପାଇବାରେ ଲାଗିଛି । ସେପଟେ ଦନ୍ତା ର ଉପଦ୍ରବ ରେ ଲୋକେ ମଧ୍ୟ ଭୟଭିତ ଅବସ୍ଥାରେ ଦିନ କାଟୁଛନ୍ତି ।କେତେବେଳେ ଘର ଭାଙ୍ଗୁଛି ତ ଆଉ କେତେବେଳେ ଫସଲ ନଷ୍ଟ କରୁଛି ।ହାତୀ ଦ୍ବାରା ହେଉଥିବା କ୍ଷୟକ୍ଷତି ର ଆକଳନ ବନବିଭାଗ କରୁଥିବା ବେଳେ କ୍ଷତିପୂରଣ ପାଇପାରୁ ନଥିବା ଲୋକେ ଅଭିଯୋଗ କରିଛନ୍ତି ।