ତାଲିବାନ ସହ ଚୁକ୍ତି କଲା ଆମେରିକା ସମେତ ୯୮ ଦେଶ

ୱାଶିଂଟନ: ଆମେରିକା ଅଗଷ୍ଟ ୩୧ ଯାଏଁ ଆଫଗାନିସ୍ତାନରୁ ନିଜର ସୈନ୍ୟ ଫେରାଇ ନେବା ପରେ ଲୋକଙ୍କୁ ଉଦ୍ଧାର କରିବା ନେଇ ବଡ଼ ଘୋଷଣା କରିଛି। ଆମେରିକୀୟ ବିଦେଶ ବିଭାଗ ପକ୍ଷରୁ କୁହାଯାଇଛି ଯେ, ୯୭ଟି ଅନ୍ୟ ଦେଶ ସହିତ ମିଶି ତାଲିବାନ ସହିତ ଚୁକ୍ତି ହୋଇଛି। ଏହି ଆଧାରରେ ତାଲିବାନ ଆଗାମୀ ଅଗଷ୍ଟ ୩୧ ପରେ ମଧ୍ୟ ଆଫଗାନ ଲୋକଙ୍କୁ ଉଦ୍ଧାର କରିବା ପାଇଁ ଅନୁମତି ଦେବ। ପୂର୍ବରୁ ଆଶା କରାଯାଉଥିଲା ଯେ, ଅଗଷ୍ଟ ୩୧ ପରେ ତାଲିବାନ କୌଣସି ଦେଶକୁ ଏଠାରୁ ଲୋକଙ୍କୁ ଉଦ୍ଧାର କରିବା ପାଇଁ ଅନୁମତି ଦେବ ନାହିଁ। ୯୮ ଦେଶର ଯୁଗ୍ମ ବୟାନରେ କୁହାଯାଇଛି ଯେ, ଆମେ ସମସ୍ତେ ଏହା ସୁନିଶ୍ଚିତ କରିବା ଲାଗି ପ୍ରତିବଦ୍ଧ ଯେ, ଆମର ନାଗରିକ ଓ ନିବାସୀ, କର୍ମଚାରୀ, ଯେଉଁ ଆଫଗାନମାନେ ଆମ ସହିତ କାମ କରିଛନ୍ତି ଏବଂ ଯେଉଁମାନେ ସେଠାରେ ରହିବାକୁ ଆଗ୍ରହ ପ୍ରକାଶ କରୁନାହାନ୍ତି, ସେମାନଙ୍କୁ ଉଦ୍ଧାର କରାଯିବ। ତାଲିବାନ ଠାରୁ ଆଶ୍ୱସ୍ତି ମିଳିଛି ଯେ, ଆମର ଦେଶରୁ ଯାତ୍ରା ପ୍ରାଧିକରଣ ସମସ୍ତ ବିଦେଶୀ ନାଗରିକଙ୍କୁ ଏବଂ କୌଣସି ବି ଆଫଗାନ ନାଗରିକଙ୍କୁ ସୁରକ୍ଷିତ ଏବଂ ବ୍ୟବସ୍ଥିତ ଭାବେ ପ୍ରସ୍ଥାନ ଆଧାରରେ ଯିବାକୁ ଅନୁମତି ଦିଆଯିବ। ବୟାନରେ ଆଗକୁ କୁହାଯାଇଛି ଯେ, ଆମେ ନାମିତ ଅଫଗାନଙ୍କୁ ଯାତ୍ରା ପ୍ରମାଣପତ୍ର ଜାରି କରିବା ଜାରି ରଖିବୁ ଏବଂ ଆମେ ତାଲିବାନ ଠାରୁ ସ୍ପଷ୍ଟ ଅପେକ୍ଷା ଏବଂ ପ୍ରତିବଦ୍ଧତା ଯେ, ସେମାନେ ଆମର ସମ୍ବନ୍ଧିତ ଦେଶକୁ ଯାତ୍ରା କରିପାରିବେ।