ଭୁବନେଶ୍ୱର : ସୁସ୍ଥ ସ୍ୱାସ୍ଥ୍ୟ ପାଇଁ ଶରୀରକୁ ହାଇଡ୍ରେଟ ରଖିବା ନିହାତି ଜରୁରୀ । ସେଥିପାଇଁ ପର୍ଯ୍ୟାପ୍ତ ପରିମାଣର ପାଣି ଆବଶ୍ୟକ । ଆପଣମାନେ ସମସ୍ତେ ଜାଣିଥିବେ ରକ୍ତରେ ପ୍ରଚୁର ପରିମାଣର ପାଣି ରହିଥାଏ । ସେଥିପାଇଁ ଅତି କମରେ ୮ ଗ୍ଲାସ ପାଣି ପିଇବା ଉଚିତ୍ । ସେହିପରି ଶରୀରରେ ପାଣି ଅଭାବ ହେତୁ ଅନେକ ପ୍ରକାରର ରୋଗ ହୋଇପାରେ । ସେଥିପାଇଁ ଅନେକ ଉପାୟ ରହିଛି ଯାହାଦ୍ୱାରା ଆପଣ ଦିନସାରା ଅଧିକରୁ ଅଧିକ ପାଣି ପିଇପାରିବେ । କିନ୍ତୁ ଆପଣ ଜାଣିଛନ୍ତି କି କାଚ ଗ୍ଲାସରେ ପାଣି ପିଇବା ଦ୍ୱାରା ଆପଣଙ୍କୁ ଅନ୍ୟ ଫାଇଦା ମଧ୍ୟ ମିଳିପାରେ । ତେବେ ଆସନ୍ତୁ ଜାଣିବା କାଚ ଗ୍ଲାସରେ ପାଶି ପିଇବାର ଫାଇଦା ।
ଯଦି ଆପଣ ପୂର୍ବରୁ କୌଣସି ପ୍ଲାଷ୍ଟିକ ବା ଧାତୁ ବୋତଲରେ ପାଣି ପିଇଥିବେ ତେବେ ଆପଣଙ୍କ ପାଣିର ସ୍ୱାଦରେ କିଛି ପରିବର୍ତ୍ତନ ଅନୁଭବ ହୋଇଥିବ । ସାଧାରଣ କିଛି ଏଭଳି ପାଣି ବୋତଲ ରହିଛି ଯେଉଥିରେ ହାନିକାରକ ରାସାୟନିକ ରହିଥାଏ କିନ୍ତୁ କାଚ ବୋତଲରେ କୌଣସି ରାସାୟନ ନଥାଏ । ଏହାସହିତ କାଚ ବୋତଲ ପାଣିରେ କୌଣସି ସ୍ୱାଦର ପରିବର୍ତ୍ତନ ହୋଇନଥାଏ । ସେଥିପାଇଁ ସର୍ବଦା କାଚ ଗ୍ଲାସରେ ପାଣି ପିଇବା ଉଚିତ୍ ।
ଯେତେବେଳେ ଆପଣ କାଚ ବୋତଲରେ ପାଣି ରଖିବେ ତାର ସ୍ୱାଦ ସାରା ଦିନ ତାଜା ରହିବ । ଆପଣ ପାଣିରେ କୌଣସି ଅଶୁଦ୍ଧତା ର ଯାଞ୍ଚ ସ୍ପଷ୍ଟ ଭାବେ କରିପାରିବେ କାରଣ କାଚ ବୋତଲରେ ବାହାରୁ ସବୁକିଛି ଦେଖିପାରିବେ ।
