ନୂଆଦିଲ୍ଲୀ: ହୋଲି ଅବସରରେ ଦିଲ୍ଲୀ ପୋଲିସ ଆକ୍ସନ ମୋଡରେ । ଦିଲ୍ଲୀ ପୋଲିସର ସ୍ପେଶାଲ୍ ଷ୍ଟାଫ୍ ଏବଂ ସେଣ୍ଟ୍ରାଲ୍ ଡିଷ୍ଟ୍ରିକ୍ଟ ଦୁଇଟି ବଡ଼ ଅପରେସନ୍ କରିଥିଲେ । ଏହି ଅଭିଯାନ ସମୟରେ, ପୋଲିସ ଦଳ ୫୧ ଜଣ ଜୁଆଡିଙ୍କୁ ଗିରଫ କରିଥିଲା। ତାସହ ୧ ଲକ୍ଷ ଟଙ୍କାରୁ ଅଧିକ ମୂଲ୍ୟର ନଗଦ ତାଙ୍କ ସେମାନଙ୍କ ଠାରୁ ଜବତ କରାଯାଇଛି । ଜୁଆ ନେଟୱାର୍କର ପର୍ଦ୍ଦାଫାସ କରିବା ସହିତ ପୋଲିସ ଅନେକ ବଡ଼ ଅପରାଧୀଙ୍କୁ ମଧ୍ୟ ଗିରଫ କରିଛି। ପୋଲିସଠାରୁ ମିଳିଥିବା ସୂଚନା ଅନୁଯାୟୀ, ମାନୁଆଲ୍ ସର୍ଭେଲାନ୍ସ ଏବଂ ସ୍ଥାନୀୟ ସୂଚନା ଆଧାରରେ ପୋଲିସ ଏହି ଅଭିଯୁକ୍ତମାନଙ୍କୁ ଗିରଫ କରିଛି। ଦିଲ୍ଲୀ ପୋଲିସର ବିଭିନ୍ନ ଦଳ ଗତ କିଛି ଦିନ ଧରି ଏପରି ଅପରେସନ୍ କରୁଥିଲେ। ମାର୍ଚ୍ଚ ୧୦ ତାରିଖରେ ସମାନ ଏକ ଅଭିଯୋଗରେ , କେନ୍ଦ୍ରୀୟ ଜିଲ୍ଲା ପୋଲିସ ସୂତ୍ରରୁ ମିଳିଥିବା ସୂଚନା ଆଧାରରେ ୨୨ ଜଣଙ୍କୁ ଗିରଫ କରିଥିଲା । ଏହି ସମୟ ମଧ୍ୟରେ, ପୋଲିସ ମୋବାଇଲ୍ ଫୋନ୍ ମଧ୍ୟ ଜବତ କରିଥିଲା। ଆପଣଙ୍କୁ ଜଣାଇ ଦେଉଛୁ ଯେ ଦିଲ୍ଲୀ ପୋଲିସ ପ୍ରତିବର୍ଷ ହୋଲି ସମୟରେ ଏବଂ ତା’ପୂର୍ବରୁ ଏପରି ଅନେକ ଅପରେସନ୍ କରିଥାଏ। ଏଥର ଦିଲ୍ଲୀ ପୋଲିସ ଏପରି ଲୋକଙ୍କୁ ଗିରଫ କରିଛି ଯେଉଁମାନେ ହୋଲି ଅବସରରେ ବଡ଼ ପରିମାଣରେ ଜୁଆ ଖେଳୁଥିଲେ କିମ୍ବା ଏଥିରେ ଅନ୍ୟ ଲୋକଙ୍କୁ ସାମିଲ କରୁଥିଲେ ।
