ନୂଆଦିଲ୍ଲୀ: ପୋଲିସ ଉପରେ ସମାଜ ନିୟମ କାନୁନର ଡୋର ଦେଇଛି । ହେଲେ ଯେତେବେଳେ ସେଇ ପୋଲିସ କର୍ମଚାରୀ ସମସ୍ତ ନିୟମ କାନୁନକୁ ଭୁଲି ନିଶାରେ ମଜିଯିବ ତା ହେଲେ ଏ ସମାଜ ନିୟମର ରକ୍ଷା ପାଇଁ ଆଉ କାହା ଉପରେ ନୀର୍ଭର କରିବ । ତେବେ ରାଜଧାନୀ ଦିଲ୍ଲୀରେ ଏକ ପୋଲିସ ଯବାନ ନିଶାରେ ମଜ୍ଜି ମଝି ରାସ୍ତାରେ କରିଥିଲେ ନିୟମ ଭାଙ୍ଗିଲା ଭଳି କାମ ।
ସରଳ ୟୁନିଫର୍ମରେ ଥିବା ଦିଲ୍ଲୀ ପୋଲିସ କନଷ୍ଟେବଳ ପ୍ରଥମେ ଭୁଲ ପାର୍ଶ୍ୱରୁ ଗାଡି ଚଳାଇ ରାସ୍ତା ଅବରୋଧ କରିଥିଲେ ଏବଂ ପରେ କେବଳ ଅଗ୍ନିଶମ ବାହିନୀଙ୍କ ସହ ଯୁକ୍ତିତର୍କ କରିନଥିଲେ ବରଂ ସେମାନଙ୍କୁ ମାଡ ମଧ୍ୟ ଦେଇଥିଲେ । ସୂଚନାନୁସାରେ, ଘଟଣାସ୍ଥଳରୁ ଯାଉଥିବା ଅଗ୍ନିଶମ ଦଳ ରାସ୍ତା ରାସ୍ତାର ଟ୍ରାଫିକ ହଟାଇବାକୁ ଚେଷ୍ଟା କଲାବେଳେ ମଦ୍ୟପ ଥିବା କନଷ୍ଟେବଳ ଅଗ୍ନିଶମ କର୍ମଚାରୀଙ୍କୁ ମାଡ ମାରିବା ସହ ଦୁର୍ବ୍ୟବହାର ମଧ୍ୟ କରିଥିଲେ । ଏହି ସମସ୍ତ ଘଟଣା ମୋବାଇଲ୍ ଭିଡିଓରେ ମଧ୍ୟ କଏଦ ହୋଇଛି ।
ଏହି ଘଟଣା ସମୟପୁର ବଦଲି ପୋଲିସ ଷ୍ଟେସନ ଅଞ୍ଚଳର ଅଟେ । ଭିଡିଓ ସାମ୍ନାକୁ ଆସିବା ପରେ ବଦଲି ପୋଲିସ ଷ୍ଟେସନରେ କନଷ୍ଟେବଳ ପଦରେ ଥିବା ଜିତେନ୍ଦ୍ରଙ୍କୁ ଡେପୁଟି କମିଶନର ଆଉଟ ନାର୍ଥ ସସ୍ପେଣ୍ଡ କରିଛନ୍ତି । ତାଙ୍କ ବିରୋଧରେ ଏକ ଅପରାଧିକ ମାମଲା ମଧ୍ୟ ପଞ୍ଜିକୃତ ହୋଇଛି ।
