ଲୁଟ ଅଭିଯୋଗରେ ପୂର୍ବତନ ବିଧାୟକ ଗିରଫ

ଭୁବନେଶ୍ୱର: ଫୁଲବାଣୀରେ ପୂର୍ବତନ ବିଧାୟକ ଦେବେନ୍ଦ୍ର କହଁର ଗିରଫ । ଜଣେ ବ୍ୟକ୍ତିଙ୍କୁ ମାଡ ମାରି ମାରି ଟଙ୍କା ଲୁଟ୍ ଅଭିଯୋଗରେ ଗିରଫ ହୋଇଛନ୍ତି । ଘଟଣାରେ ଦେବେନ୍ଦ୍ରଙ୍କ ସହ ତାଙ୍କର ଅନ୍ୟ ଜଣେ ସହଯୋଗୀ ମଧ୍ୟ ଗିରଫ ହୋଇଛନ୍ତି । ଉଭୟ ଆଜି ଗିରଫ କରି କୋର୍ଟ ଚାଲାଣ କରିଛି ଟାଉନ ଥାନା ପୋଲିସ । ଗିରଫ ଅନ୍ୟ ସହଯୋଗୀ ଜଣଙ୍କ ଆଇଆରବିଏନର ହାବିଲଦାର ଶ୍ରୀନିବାସ କହଁର । ଗତ ୧୧ ତାରିଖରେ ଉରୁମାଗଡ ରାସ୍ତାରେ ଲୁଟ କରିଥିବା ଅଭିଯୋଗ ରହିଥିଲା । ଲୁଟର ଶିକାର ବ୍ୟକ୍ତି ଢେଙ୍କାନାଳ ପର୍ଜଙ୍ଗ ଅଂଚଳର କାମାକ୍ଷୀ ବେହେରା । ବନ୍ଧୁ ଘରକୁ ଯାଉଥିବା ବେଳେ ରାସ୍ତାରେ ଲୁଟର ଶିକାର ଅଭିଯୋଗ ହୋଇଥିଲା । ରାସ୍ତାରେ ଠିକଣା ପଚାରିବା ବେଳେ ଦେବେନ୍ଦ୍ର ମାଡ ମାରି ଲୁଟ୍ କରିଥିବା ଅଭିଯୋଗ ହୋଇଥିଲା ।