ପ୍ରେମ ପାଇଁ ମା’ ର ମୁଣ୍ଡ ନେଲା ଝିଅ

ନୂଆଦିଲ୍ଲୀ: ତେଲେଙ୍ଗାନାର ମେଡଚଳ ଜିଲ୍ଲାରେ ଜଣେ ୧୬ ବର୍ଷୀୟା ଝିଅ ତାଙ୍କ ପ୍ରେମିକ ଏବଂ ତାଙ୍କ ସାନ ଭାଇଙ୍କ ସହାୟତାରେ ତାଙ୍କ ୩୯ ବର୍ଷୀୟା ମାଆଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ପୋଲିସ କହିଛି ଯେ ଦଶମ ଶ୍ରେଣୀର ଛାତ୍ରୀ ଜଣକ ତାଙ୍କ ପ୍ରେମ ସମ୍ପର୍କକୁ ନେଇ ତାଙ୍କ ମାଆ ଅଞ୍ଜଳି ଝିଅ କୁ ଗାଳି ଦେଉଥିଲେ । ଏଥିରେ କ୍ରୋଧିତ ହୋଇ ସେ ତାଙ୍କ ପ୍ରେମିକ ପାଗିଲା ଶିବା (୧୯) ଏବଂ ତାଙ୍କ ଭାଇ ପାଗିଲା ଯଶୱନ୍ତ (୧୮) ସହିତ ମିଶି ଝିଅର ମା କୁ ହତ୍ୟା କରିବା ପାଇଁ ଷଡ଼ଯନ୍ତ୍ର କରିଥିଲେ । ଏହି ତିନି ଜଣ ଅଞ୍ଜଳିଙ୍କୁ ଗଳାକାଟି ହତ୍ୟା କରିଥିଲେ ଏବଂ ତା’ପରେ ତାଙ୍କ ମୁଣ୍ଡକୁ ଲୁହା ରଡ୍ ସାହାଯ୍ୟରେ ଆଘାତ କରିଥିଲେ, ଯାହା ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ଏହି ଅପରାଧ ହାଇଦ୍ରାବାଦର ଉପକଣ୍ଠ ଜିଦିମେଟଲାରେ ଘଟିଥିଲା । କିନ୍ତୁ ପୋଲିସ କହିବା ଅନୁଯାୟୀ ହତ୍ୟାକାଣ୍ଡ ଯୋଜନାବଦ୍ଧ ଥିଲା। ଏନେଇ ଏକ ମାମଲା ରୁଜୁ କରାଯାଇଛି, ଏବଂ ସମସ୍ତ ତିନି ଅଭିଯୁକ୍ତଙ୍କୁ ଅଟକ ରଖାଯାଇଛି।