ରାୟଗଡ଼ା : ସିଆରପିଏଫ ୪ର୍ଥ ବାଟାଲିୟନର ଯବାନ ଧର୍ମ ଦେବ ନିଖୋଜ ହୋଇଯାଇଥିବା ନେଇ ରାୟଗଡ଼ା ଟାଉନ ଥାନାରେ ଅଭିଯୋଗ ହୋଇଛି। ସିଆରପିଏଫ ଉଚ୍ଚ କର୍ତ୍ତୃପକ୍ଷ ଏ ନେଇ ଥାନାରେ ଅଭିଯୋଗ କରିବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଛି। ତାଙ୍କ ଘର ଉତ୍ତର ପ୍ରଦେଶରେ। ସେ ସିଆରପିଏଫ୍ର ଚତୁର୍ଥ ବାଟାଲିଅନ୍ର ବ୍ରାଭୋ କମ୍ପାନୀରେ କାର୍ଯ୍ୟରତ ଥିଲେ।
ସୂଚନା ଅନୁଯାୟୀ, ଗତ ୨୯ ତାରିଖରେ ଧରମ ଦେବ ଚଇତି ଉତ୍ସବ ଡ୍ୟୁଟି ଯିବା ପାଇଁ ଶେଷଖାଲରୁ ରାୟଗଡ଼ା ବାହାରିଥିଲେ। ହେଲେ ସେହି ଦିନଠାରୁ ତାଙ୍କର ଖୋଜ୍ଖବର ମିଳୁ ନାହିଁ। ନିଖୋଜ ନେଇ ତାଙ୍କ ପରିବାର ଲୋକେ ବୁଧବାର ରାୟଗଡ଼ା ସଦର ଥାନାରେ ଏତଲା ଦେଇଛନ୍ତି। ପୁଲିସ୍ ଖୋଜାଖୋଜି ଆରମ୍ଭ କରିଥିଲେ ମଧ୍ୟ ଧରମ ଦେବଙ୍କ ପତ୍ତା ପାଇପାରି ନାହିଁ। ନିଖୋଜ ଯବାନଙ୍କ ପରିବାରବର୍ଗ ଉତ୍ତର ପ୍ରଦେଶରୁ ଆସି ରାୟଗଡ଼ାରେ ପହଂଚିଥିବା ସୂଚନା ମିଳିଛି।
ସିଆରପିଏଫ ଯବାନ ନିଖୋଜ
