ଚିରାଗ ପାସୱାନଙ୍କୁ ବଡ ଝଟକା

ନୂଆଦିଲ୍ଲୀ: ପୁଣି ଲୋକ ଜନଶକ୍ତି ପାର୍ଟି (LJP) ଅଧ୍ୟକ୍ଷ ଚିରାଗ ପାସୱାନ ଙ୍କୁ ବଡ଼ ଝଟକା ଲାଗିଛି ।  ସୋମବାର ଏଲଜେପିର ଏକମାତ୍ର ଏମଏଲସି ନୂତନ ସିଂ ବିଜେପିରେ ଯୋଗ ଦେଇଛନ୍ତି । ଗତ ସପ୍ତାହରେ ୨୦୦ ରୁ ଅଧିକ LJP ନେତା ତଥା କାର୍ଯ୍ୟକର୍ତ୍ତା ଦଳ ଛାଡି ଜେଡିୟୁ (ଜେଡିୟୁ) ରେ ଯୋଗ ଦେଇଥିଲେ । ଏହା ସହ ବିହାର ବିଧାନ ପରିଷଦରେ ଚିରାଗ ପାସୱାନଙ୍କ ଦଳ ଏଲଜେପିର ସଦସ୍ୟଙ୍କ ସଂଖ୍ୟା ଶୂନ ହୋଇଯାଇଛି । ବିହାର ବିଜେପି ରାଜ୍ୟ ଅଧ୍ୟକ୍ଷ ସଞ୍ଜୟ ଜାୟସୱାଲଙ୍କ ଉପସ୍ଥିତିରେ ବିଜେପି କାର୍ଯ୍ୟାଳୟରେ ନୃତନ ସିଂ ଗେରୁଆ ଦଳର ହାତ ଧରିଛନ୍ତି । ଏଲଜେପିର ଏକମାତ୍ର ଏମଏଲସି ସୋମବାର ଅପରାହ୍ନରେ ପାଟନାରେ ବିଜେପି କାର୍ଯ୍ୟାଳୟରେ ପହଞ୍ଚିଥିଲେ । ଯେଉଁଠାରେ ଦଳର ରାଜ୍ୟ ଅଧ୍ୟକ୍ଷ ସଞ୍ଜୟ ଜାୟସୱାଲ ଏବଂ ବିହାର ସରକାରର ପରିବେଶ ମନ୍ତ୍ରୀ ନୀରଜ ସିଂ ବବଲୁ ତାଙ୍କୁ ଦଳର ସଦସ୍ୟତା ଗ୍ରହଣ କରାଇଥିଲେ । ପୂର୍ବତନ ଆଇଏଏସ ଅଧିକାରୀ ଉଦୟ ପ୍ରତାପ ସିଂ,  ଦଳର ରାଜ୍ୟ ଅଧ୍ୟକ୍ଷ ସଞ୍ଜୟ ଜାୟସୱାଲ ଙ୍କ ଉପସ୍ଥିତିରେ ଦଳରେ ଯୋଗ ଦେଇଥିଲେ ।