ବେଜିଂ: ପୁଣି ତାଇୱାନ୍ ସୀମା ମଧ୍ୟକୁ ଅନୁପ୍ରବେଶ କରିଛି ଚୀନ୍ । ତାଇୱାନ୍ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ଏନେଇ ଦାବି କରାଯାଇଛି । ତାଇୱାନ୍ ପ୍ରତିରକ୍ଷା ମନ୍ତ୍ରଣାଳୟ ରିପୋର୍ଟ ଅନୁସାରେ ଚୀନ୍ ବିମାନ ସହ ଚୀନ୍ର ବେଲୁନ୍ ମଧ୍ୟ ତାଇୱାନ୍ର ଆକାଶରେ ପ୍ରବେଶ କରିଛି । ଶନିବାର ସକାଳେ ବେଲୁନ୍ ତାଇୱାନ୍ର ଆକାଶରେ ପ୍ରବେଶ କରି ତାଇୱାନ୍ର ଉପକୂଳବର୍ତ୍ତୀ ସହର କେଲୁଙ୍ଗରେ ପହଞ୍ôଚଥିଲା । ଚୀନ୍ର ଜେ-୧ଠ, ଜେ-୧୧ ଯୁଦ୍ଧ ବିମାନ ମଧ୍ୟମା ଲାଇନ୍ ଅତିକ୍ରମ କରିଛି ।
ଦୀର୍ଘ ଦିନ ହେବ ଚୀନ୍ ଏବଂ ତାଇୱାନ୍ ମଧ୍ୟରେ ତିକ୍ତତା ରହିଆସିଛି । ଚୀନ୍ ତାଇୱାନ୍କୁ ଏହାର ଅଂଶ ବିଶେଷ ଭାବେ ବିବେଚନା କରୁଥିବା ବେଳେ ତାଇୱାନ୍ କିନ୍ତୁ ନିଜକୁ ଏକ ସ୍ୱାଧୀନ ରାଷ୍ଟ୍ର ଭାବେ ଅଭିହିତ କରିଆସୁଛି । ଅନ୍ୟପକ୍ଷେ ତାଇୱାନ୍କୁ ଆମେରିକାର ସମର୍ଥନ ମଧ୍ୟ ରହିଛି । ତେବେ ଚୀନ୍ ଏପ୍ରକାର ତାଇୱାନ୍ ସୀମାରେ ଅନୁପ୍ରବେଶ କରିବା ପ୍ରଥମ ଘଟଣା ନୁହେଁ । ଏହାପୂର୍ବରୁ ମଧ୍ୟ ଚୀନ୍ ଅନେକ ଥର ଏପ୍ରକାର କରିସାରିଛି ଯାହାକୁ ନେଇ ଚୀନ୍-ତାଇୱାନ୍ ମଧ୍ୟରେ ତିକ୍ତତା ଉଗ୍ରାଭିମୂଖୀ ରହିଛି । ଏପରିକି ତାଇୱାନ୍ ଚୀନ୍ ପକ୍ଷରୁ ଆକ୍ରମଣ ଆଶଙ୍କା ପୂର୍ବକ ନିଜ ସେନାକୁ ସତର୍କ ସଜାଗ ରହିବାକୁ ନିର୍ଦ୍ଦେଶ ଦେଇସାରିଛି ।
