ନୂଆଦିଲ୍ଲୀ: ଗୁଣବତ୍ତା ଚିହ୍ନ ବିନା ସାମଗ୍ରୀ ବିକ୍ରୟ ପାଇଁ ବିଏସ୍ ହାମଲେସ୍ ଏବଂ ଆର୍ଚିଜ ସମେତ ଖୁଚୁରା ଷ୍ଟୋର୍ଗୁଡିକରୁ ସାରା ଦେଶରେ ୧୮,୬୦୦ ଖେଳନା ଜବତ କରିଛି। ଉପଭୋକ୍ତା ସୁରକ୍ଷା ନିୟନ୍ତ୍ରକ ସିସିପିଏ ପରି ବ୍ୟୁରୋ ଅଫ୍ ଇଣ୍ଡିଆନ୍ ଷ୍ଟାଣ୍ଡାର୍ଡ ମଧ୍ୟ ଖେଳନା ଉପରେ ଗୁଣବତ୍ତା ନିୟନ୍ତ୍ରଣ ଅର୍ଡର ଉଲ୍ଲଂଘନ କରି ତିନୋଟି ପ୍ରମୁଖ ଇ-କମର୍ସ କମ୍ପାନୀ ଆମାଜନ, ଫ୍ଲିପକାର୍ଟ ଏବଂ ସ୍ନାପଡିଲକୁ ନୋଟିସ୍ ଜାରି କରିଛି। ତେବେ ନ୍ୟୁଜ୍ ଏଜେନ୍ସି ପିଟିଆଇ ଏହି ରିପୋର୍ଟ ପ୍ରଦାନ କରିଛି। ବ୍ୟୁରୋ ଅଫ୍ ଇଣ୍ଡିଆନ୍ ଷ୍ଟାଣ୍ଡାର୍ଡ (ବିଏସ୍) ହେଉଛି ଜାତୀୟ ମାନକ ସଂସ୍ଥା ଯାହାକି ଦ୍ରବ୍ୟର ମାନକକରଣ, ମାର୍କିଂ ଏବଂ ଗୁଣାତ୍ମକ ପ୍ରମାଣପତ୍ର ପାଇଁ ଦାୟୀ।
ଗଣମାଧ୍ୟମ ସହ କଥାବାର୍ତ୍ତା କରି ବିଏସଏସ ମହାନିର୍ଦ୍ଦେଶକ ପ୍ରମୋଦ କୁମାର ତିୱାରୀ କହିଛନ୍ତି, “ଖେଳଣା ବିକ୍ରୟ କରୁଥିବା ଘରୋଇ ଉତ୍ପାଦକଙ୍କ ଠାରୁ ଆମେ ଅଭିଯୋଗ ଗ୍ରହଣ କରିଛୁ ଯାହା ବିଏସ ମାନାଙ୍କ ସହିତ ମେଳ ଖାଉ ନାହିଁ। ଗତ ଏକ ମାସରେ ଆମେ ୪୪ ଟି ଚଢ଼ାଉ କରି ପ୍ରମୁଖ ଖୁଚୁରା ଦୋକାନରୁ ୧୮,୬୦୦ ଖେଳନା ଜବତ କରିଥିଲୁ। ସେ କହିଛନ୍ତି ଯେ ଦେଶର ପ୍ରମୁଖ ବିମାନବନ୍ଦର ଏବଂ ମଲଗୁଡିକରେ ହାମଲେସ୍, ଆର୍ଚିଜ, ଡବ୍ଲୁଏସ୍ ସ୍ମିଥ୍, କିଡ୍ସ ଜୋନ୍ ଏବଂ କୋକୋକାର୍ଟ ସମେତ ଖୁଚୁରା ଦୋକାନ ଉପରେ ଚଢ଼ାଉ କରାଯାଇଛି। ବିଏସ୍ ଆକ୍ଟ ଅନୁଯାୟୀ ଖୁଚୁରା ବ୍ୟବସାୟୀଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ତିୱାରୀ କହିଛନ୍ତି। କେନ୍ଦ୍ରୀୟ ଉପଭୋକ୍ତା ସୁରକ୍ଷା ପ୍ରାଧିକରଣ (ସିସିପିଏ) ର ମୁଖ୍ୟ କହିଛନ୍ତି ଯେ ବିଏସ୍ ଗୁଣବତ୍ତା ଚିହ୍ନ ବିନା ଖେଳନା ବିକ୍ରୟ ପାଇଁ ଆମେ ଆମାଜନ, ଫ୍ଲିପକାର୍ଟ ଏବଂ ସ୍ନାପଡାଲକୁ ମଧ୍ୟ ନୋଟିସ୍ ଜାରି କରିଛୁ।
