ବୋର୍ଡ ପରୀକ୍ଷା ନେଇ ଆଜି ସନ୍ଧ୍ୟାରେ ବୈଠକ କରିବେ ମୋଦି

ନୂଆଦିଲ୍ଲୀ: ବୋର୍ଡ ପରୀକ୍ଷା ନେଇ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସନ୍ଧ୍ୟାରେ ଏକ ଗୁରୁତ୍ୱପୂର୍ଣ୍ଣ ବୈଠକ କରିବେ । ବୈଠକରେ ଦ୍ୱାଦଶ ଶ୍ରେଣୀ ପରୀକ୍ଷା ନେଇ ଆଲୋଚନା କରାଯିବ । କରୋନା ସଂକଟ ମଧ୍ୟରେ ପରୀକ୍ଷା କେମିତି ଆୟୋଜନ କରାଯିବ, ପରୀକ୍ଷା ହେବ କି ନାହିଁ , ସେ ନେଇ ଆଲୋଚନା କରାଯିବ ।  ଏହାପୂର୍ବରୁ ଶିକ୍ଷାମନ୍ତ୍ରୀ ରମେଶ ପୋଖରୀଆଲ ନିଶଙ୍କ ଆଜି ବୋର୍ଡ ପରୀକ୍ଷା ନେଇ ଘୋଷଣା କରିଥାନ୍ତେ । ହେଲେ ତାଙ୍କ ସ୍ୱାସ୍ଥ୍ୟବସ୍ଥା ବିଗିଡିବାରୁ ସେ ଏବେ ଦିଲ୍ଲୀ ଏମ୍ସରେ ଭର୍ତ୍ତି ହୋଇଛନ୍ତି । ତେବେ ଶିକ୍ଷା ମନ୍ତ୍ରାଳୟକୁ ପରୀକ୍ଷା ସମ୍ବନ୍ଧରେ ତଥ୍ୟ ସୁପ୍ରିମକୋର୍ଟଙ୍କୁ ୩ ଜୁନ ଭିତରେ ଦେବାର ଅଛି । କାଲି  କେନ୍ଦ୍ର ସରକାର ସୁପ୍ରିମକୋର୍ଟଙ୍କଠାରୁ ପରୀକ୍ଷା ଉପରେ ନିର୍ଣ୍ଣୟ ନେବା ପାଇଁ ୨ ଦିନର ସମୟ ମାଗିଥିଲେ । ବର୍ତମାନ ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ ଏହି ବୈଠକର ଅଧ୍ୟକ୍ଷତା କରିବେ ।