ବ୍ରହ୍ମପୁର : ଦୁଇ ମାସରେ ୨୨ ଦୁଷ୍କର୍ମକାରୀ ଗିରଫ

ବ୍ରହ୍ମପୁର: ବ୍ରହ୍ମପୁର ଜିଲ୍ଲା ପୁଲିସରେ ବିଭିନ୍ନ ଥାନରେ ଯୁବତୀ ସହ ନାବାଳିକା ମାନଙ୍କୁ ଦୁଷ୍ମର୍ମ ମାମଲା ବଢ଼଼ିବାରେ ଲାଗିଛି । ବିଭିନ୍ନ କାରଣରୁ ଏଭଳି ଭାବରେ ନାବାଳିକମାନେ ଦୁଷ୍ମର୍ମର ଶିକାର ହେବା ବେଳେ ଅପହରଣ ପରେ ଏମାନଙ୍କୁ ଦେହ ବ୍ୟବସାୟରେ ଲଗାଉଥିବା ପୁଲିସ ଜାଣିବାକୁ ପାଇଛି । ଏହା ସହ ଅନେକ ସମୟରେ ଯୁବକମାନେ ଯୁବତୀମାନଙ୍କୁ ବିବାହ ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ରଖିଥାନ୍ତି ଆଉ କିଏ ଜୋର ଜବଦସ୍ତି ମଧ୍ୟ ସମ୍ପର୍କ ରଖିଥିବା ଥାନାରେ ଅଭିଯୋଗ ହୋଇଛି । କେବଳ ଯୁବତୀ ନୁହଁନ୍ତି, ବିବାହିତ ମହିଳା ଓ ନାବାଳିକା ମଧ୍ୟ ଦୁଷ୍ମର୍ମର ଶିକାର ହୋଇଥିବା ଅଭିଯୋଗ ହୋଇଛି । ବ୍ରହ୍ମପୁର ପୁଲିସ ଜିଲ୍ଲାରେ ଗତ ୨ ମାସ ଅର୍ଥାତ ଜୁନ୍ ଓ ଜୁଲାଇ ମାସ ମଧ୍ୟରେ ୨୩ରୁ ଊର୍ଦ୍ଧ୍ୱ୍ୱର୍ ଦୁଷ୍ମର୍ମ ମାମାଲା ରୁଜୁ ହୋଇଥିବା ବେଳେ ଏହି ମାମଲା ମଧ୍ୟରୁ ୧୭ଟି ମାମାଲା ମାମଲାରେ ପୁଲିସ ମୋଟ ୨୨ ଜଣ ଅଭିଯୁକ୍ତକୁ କାବୁ କରିଛି । ବ୍ରହ୍ମପୁର ପୁଲିସ ଜିଲ୍ଳା ଅଧୀନରେ ଥିବା ବଡ଼ ବଜାର ଥାନା ପୁଲିସ ଦୁଷ୍ମର୍ମ ମାମଲାରେ ମୋଟ ୫ ଜଣ ଅଭିଯୁକ୍ତଙ୍କୁ ଗିରଫ କରିଛି । ଏଥି ମଧ୍ୟରୁ ୨ ଜଣ ନାବାଳିକା ଓ ୩ ଜଣ ଯୁବତୀଙ୍କୁ ଦୁଷ୍ମର୍ମ ହୋଇଥିବା ଥାନାରେ ଅଭିଯୋଗ ହୋଇଛି । ସେହିପରି ବୈଦ୍ୟନାଥପୁର ଥାନାରେ ମୋଟ ୩ ମାମଲା ରୁଜୁ ହୋଇଥିବା ବେଳେ ସେଥି ମଧ୍ୟରୁ ୨ଟି ନାବାଳିକା ଓ ଜଣେ ଯୁବତୀ ରହିଛନ୍ତି । ଉକ୍ତ ମାମଲାରେ ପୁଲିସ ୭ ଜଣଙ୍କୁ ଗିରଫ କରି କୋର୍ଟ ଚାଲାର କରିଛି । ଏବଂ ଜଣେ ନାବାଳିକାଙ୍କୁ ଅପହରଣ କରି ତାଙ୍କୁ ଦେହ ବ୍ୟବସାୟରେ ଲଗାଇଥିବା ଅଭିଯୋଗରେ ବୈଦ୍ୟନାଥପୁର ପୁଲିସ ମୋଟ ୫ ଜଣଙ୍କୁ ଗିରଫ କରି କୋର୍ଟଚାଲାଣ କରିଥିବା ପୁଲିସ କହିଛି । ସେହିପରି ଦିଗପହଣ୍ଡି ଥାନରେ ୨ଟି ଦୁଷ୍ମର୍ମ ମାମଲାରେ ପୁଲିସ ୨ ଜଣଙ୍କ ଅଭିଯୁକ୍ତଙ୍କୁ ଗିରଫ କରିଥିବା ବେଳେ ଉଭୟ ପୀଡ଼ିତା ନାବାଳିକା ଅଟନ୍ତି । ଗୋଳନ୍ଥରା ଥାନା ପୁଲିସ ୩ ମାମଲାରେ ୩ ଜଣଙ୍କୁ ଗିରଫ କରିଛି । ସେହିପରି ଜଣେ ନାବାଳିକାଙ୍କୁ ଦୁଷ୍ମର୍ମ କରିଥିବା ଅଭିଯୋଗରେ ଜରଡ଼ା ଥାନା ପୁଲିସ ଜଣେ ଅଭିଯୁକ୍ତଙ୍କୁ ଗିରଫ କରିଛି । ନୂଆଁଗା ଥାନା ପୁଲିସ ପକ୍ଷରୁ ଜଣେ ନାବାଳିକାଙ୍କୁ ଦୁଷ୍ମର୍ମ କରିଥିବା ଅଭିଯୋଗ ପରେ ପୁଲିସ ଏହି ମାମଲାରେ ଜଣେ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି । ସେହିପରି ସଦର ଥାନା ପୁଲିସ ୨ଟି ଦୁଷ୍ମର୍ମ ମାମଲାରେ ମୋଟ ୩ ଜଣଙ୍କୁ ଗିରଫ କରାଯାଇଛି । ସେଥି ମଧ୍ୟରୁ ଏହି ୨ ଜଣ ପିଡ଼ିତା ମଧ୍ୟରୁ ଜଣେ ଯୁବତୀ ରହିଥିବା ବେଳେ ଆଉ ଜଣ ନାବାଳିକା ଥିବା ସୂଚନା ମିଳିଛି । ଏଭଳି ଭାବରେ ବ୍ରହ୍ମପୁର ପୁଲିସ ଜିଲ୍ଲା ପକ୍ଷରୁ ଗତ ୬୦ ଦିନ ମଧ୍ୟରେ ମୋଟ ୨୨ ଜଣ ଅଭିଯୁକ୍ତଙ୍କୁ ଦୁଷ୍ମର୍ମ ମାମଲାରେ ଗିରଫ କରି କୋର୍ଟ ଚାଲାର କରିଥିବା ବେଳେ ୧୭ଟି ମାମଲା ରୁଜୁ କରି ଥିବା ପୁଲିସ ସୂତ୍ରରୁ ଜଣାପଡ଼ିଛି । ଏହା ସହ ଆନେକ ଥାନାରେ ଏଭଳି ମାମଲା ରୁଜୁ ହୋଇଥିବା ବେଳେ ଏବେ ସୁଦ୍ଧା ପୁଲିସ ସେହି ଅଭିଯୁକ୍ତ ମାନଙ୍କୁ ଗିରଫ କରି ନାହିଁ ।