ଗଞ୍ଜାମ: ପୋଖରୀ ଖୋଳାବେଳେ ଫୁଟିଲା ବୋମା । ଏପରି ଏକ ଅଭାବନୀୟ ଘଟଣା ଗଞ୍ଜାମ ଜିଲ୍ଲା ଅନ୍ତର୍ଗତ କବିସୂର୍ଯ୍ୟନଗର ଥାନା ସ୍ଥିତ ବାଉଁଶିଆ ନୂଆପଲ୍ଲୀରେ ଘଟିଛି । ଏନଆରଇଜିଏସ ର କାମ ଚାଲିଥିବା ବେଳେ ଏପରି ଅଘଟଣ ଘଟିଛି ବୋଲି ସୂଚନା ମିଳିଛି ।
ଘଟଣାସ୍ଥଳରେ କାର୍ଯ୍ୟ କରୁଥିବା ୩ ଜଣ ଶ୍ରମିକ ଗୁରୁତର ହୋଇଛନ୍ତି । ସେମାନଙ୍କୁ ଗୁରୁତର ଅବସ୍ଥାରେ ପୋଲସରା ମେଡ଼ିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ କବିସୂର୍ଯ୍ୟନଗର ପୁଲିସ ପହଁଚି ତଦନ୍ତ ଆରମ୍ଭ କରିଛି ।
ମିଳିଥିବା ସୂଚନା ଅନୁଯାୟୀ ଏନଆରଇଜିଏସର ଅନୁମତିରେ ଏକ ପୋଖରୀ ଖୋଳା କାମ ଚାଲିଥିଲା । ହଠାତ ବୋମା ବିସ୍ଫୋରଣ ହେବାରୁ କାର୍ଯ୍ୟରତ ଶ୍ରମିକ ମାନେ ଗୁରୁତର ହୋଇଥିଲେ । ତେବେ ବିଲରେ କିଏ ଓ କାହିଁକି ବୋମା ରଖିଥିଲା ତାହା ଏପର୍ଯ୍ୟନ୍ତ ଜଣାପଡ଼ିନାହିଁ ।
ପୋଖରୀ ଖୋଳାବେଳେ ଫୁଟିଲା ବୋମା
