ନୂଆଦିଲ୍ଲୀ : ବଲିଉଡର ଖିଲାଡି ଅକ୍ଷୟ କୁମାର ଦୁବାଇରେ ଲୋକାର୍ପିତ ହୋଇଥିବା ପ୍ରଥମ ହିନ୍ଦୁ ମନ୍ଦିରରେ ଯାଇଥିଲେ। ଅକ୍ଷୟ କୁମାର ବୁଧବାର ଦିନ ଆବୁଧାବିରେ ପହଞ୍ଚି ବୋଚାସନବାସୀ ଅକ୍ଷର ପୁରୁଷୋତ୍ତମ ସ୍ୱାମିନାରାୟଣ ସନ୍ଥା ହିନ୍ଦୁ ମନ୍ଦିରର ଉଦଘାଟନୀ ଉତ୍ସବରେ ଯୋଗ ଦେଇଥିଲେ। ଅକ୍ଷୟ କୁମାରଙ୍କ ସହିତ ଅଭିନେତା ଦିଲ୍ଲୀପ ଯୋଶୀ, ଗାୟକ ଶଙ୍କର ମହାଦେବନ ମଧ୍ୟ ପହଞ୍ଚିଥିଲେ। ହିନ୍ଦୁ ମନ୍ଦିରର ଉଦଘାଟନୀ ଉତ୍ସବରେ ଦିଲ୍ଲୀପ ଯୋଶୀ କହିଥିଲେ କି ଏହି ମନ୍ଦିର ଏତେ ସୁନ୍ଦର ହୋଇଛି, ଯାହାକୁ ନଦେଖିଲେ ବିଶ୍ୱାସ କରିହେବନାହିଁ। ପ୍ରଧାନମନ୍ତ୍ରୀ ଏହି ମନ୍ଦିରର ଅକ୍ଷରଶୀଳା ରଖିଥିଲେ ସେତେବେଳେ ମଧ୍ୟ ମୁଁ ଏଠାରେ ଉପସ୍ଥିତ ଥିଲି ବୋଲି ସେ କହିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆବୁଧାବିରେ ଥିବା ମନ୍ଦିରରେ ସାଧୁମାନଙ୍କ ସହ ପୂଜା ଏବଂ ଆରତୀ କରିଥିଲେ। ଏହି ମନ୍ଦିର ୨୦ ହଜାର ବର୍ଗ ମିଟରରେ ‘ଅଲ ୱାକବା’ ନାମରେ ନିର୍ମିତ ହୋଇଛି। ଅଲ ୱାକବା ଆବୁଧାବି ଠାରୁ ପ୍ରାୟ ୩୦ ମିନିଟ୍ ଦୂର ରାସ୍ତା। ଏଠାରେ କହି ରଖୁ ଯେ ଭାରତୀୟ ଦୂତାବାସର ତଥ୍ୟ ଅନୁଯାୟୀ, ୟୁଏଇରେ ପ୍ରାୟ ୨୬ ଲକ୍ଷ ଭାରତୀୟ ବାସ କରନ୍ତି। ଯାହା ସେଠାରେ ଜନସଂଖ୍ୟାର ପ୍ରାୟ ୩୦ ପ୍ରତିଶତ ଅଟେ।
