ପ୍ରତିବାଦରେ ଆଜି ମାଷ୍ଟର କ୍ୟାଂଟିନ ଛକରେ ଜିଲ୍ଲା ବିଜେପି ତରଫରୁ ‘ସିଟି ବସ୍ ର ଡମି’କୁ ନେଇ
ବିକ୍ଷୋଭ ପ୍ରଦର୍ଶନ
ଭୁବନେଶ୍ୱର : ସ୍ମାର୍ଟ ସିଟି, ରାଜଧାନୀ ଉନ୍ନତୀକରଣ, ରାଜଧାନୀର ବିଶ୍ୱସ୍ତରୀୟ ସୈାନ୍ଦର୍ଯୀକରଣ
ନାଁ ରେ କୋଟି କୋଟି ଟଙ୍କା ହଡପ୍ କରାଯାଇଛି । ‘ମୋ ସାଇକଲ୍’ କୁ କବାଡିଖାନା ହାତକୁ ଟେକି ଦେଲା ପରେ ବର୍ତମାନ
‘ସିଟି ବସ୍’ କୁ ମଧ୍ୟ ଅନ୍ୟ ରାଜ୍ୟର କବାଡିଖାନା ହାତକୁ ଟେକି ଦେଇଛନ୍ତି ରାଜ୍ୟ ସରକାର ଓ ବିଏମସି ପ୍ରଶାସନ । ୧୨୧ଟି
ବସ୍ କୁ କବାଡିବାଲାଙ୍କ ହାତକୁ ଟେକି ଦେଇ ରାଜ୍ୟ ରାଜକୋଷର ୨୨ କୋଟି ଟଙ୍କା ସ୍ୱାହା କରିଦିଆଯାଇଛି । ଓଡଶାବାସୀଙ୍କ
ଝାଳବୁହା ଅର୍ଥରୁ ଆଦାୟ ହୋଇଥିବା ଟିକସ ଅର୍ଥକୁ ପାଣି ଭଳି ଅଯଥା ଖର୍ଚ୍ଚ କରିବାର ଅଧିକାର ରାଜ୍ୟ ସରକାରଙ୍କ ନାହିଁ
ବୋଲି ଜିଲ୍ଲା ସଭାପତି ଶ୍ରୀ ବାବୁ ସିଂ କ୍ଷୋଭ ପ୍ରକାଶ କରି କହିଛନ୍ତି ।
ରାଜ୍ୟସରକାରଙ୍କ ଏଭଳି କାର୍ଯ୍ୟକଳାପ ପ୍ରତିବାଦରେ ଆଜି ମାଷ୍ଟର କ୍ୟାଂଟିନ ଛକରେ ଜିଲ୍ଲା ବିଜେପି ତରଫରୁ ‘ସିଟି
ବସ୍ ର ଡମି’କୁ ନେଇ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଏହି ଅବସରରେ ରାଜ୍ୟ ମୁଖପାତ୍ର ଦିଲ୍ଲୀପ ମହାନ୍ତି, ପୂର୍ବତନ
ଜିଲ୍ଲା ସଭାପତି ହରେକୃଷ୍ଣ ଖୁଂଟିଆ, ଯୁବମୋର୍ଚ୍ଚା ରାଷ୍ଟ୍ରୀୟ ଉପଧ୍ୟକ୍ଷା ଅର୍ପିତା ଅପରାଜିତା ବଡଜେନା, ଜିଲ୍ଲା ସାଧାରଣ
ସମ୍ପାଦକ ଅଭିଷେକ ଆଚାର୍ଯ୍ୟ, ହିମାଂଶୁ ଛୋଟରାୟ ଓ ଦିଲ୍ଲୀପ ବେହେରା, ଜିଲ୍ଲା ଉପସଭାପତି ବିଭାସ ସେନଗୁପ୍ତା,
ନିରଂଜନ ରାଉତରାୟ, ତୃପ୍ତିମୟୀ ମକଦ୍ଦମ, ମାନସୀ ରାୟ, ଜିଲ୍ଲା ଯୁବ ମୋର୍ଚ୍ଚା ସଭାପତି ରଶ୍ମିରଞ୍ଜନ ମୁଦୁଲି, ମହିଳା ମୋର୍ଚ୍ଚା
ସଭାପତି ମନ୍ଦାକିନୀ ପାତ୍ର, ଜିଲ୍ଲା ମଣ୍ଡଳ ସଭାପତି ସନ୍ତୋଷ ଜେନା, ଦାମୋଦର ବେହେରା, ରାମଚନ୍ଦ୍ର ରଣସିଂ,
ଅମରଜ୍ୟୋତି ଜଗଦ୍ଦେବ, ଅରୁଣ ପୁରୋହିତ, ଜିତେନ୍ଦ୍ର ମହାନ୍ତି, ବିଜୟ କୁମାର ରାଉତ, ଜିଲ୍ଲା ସାଧାରଣ ସଂପାଦକ ଉନ୍ନତି
ପରିଡା, ଦିନବନ୍ଧୁ ଦାଶ, ଧବଳେଶ୍ୱର ମୂର୍ତି, ସୁଶାନ୍ତ କୁମାର ସାବତ, ମନୋରଂଜନ ସ୍ୱାଇଁ, ଶତରୂପା ମିଶ୍ର, ପ୍ରଶାନ୍ତ କୁମାର
ମହାନ୍ତି, ରଶ୍ମିରଂଜନ କାନୁନଗୋ, ସୁବାଷିନୀ ବଳ, ସୁନୀଲ ପ୍ରଧାନ, ମନୋଜ ପଶ୍ଚିମକବାଟଙ୍କ ସମେତ ବହୁ ପ୍ରମୁଖ
ନେତୃବୃନ୍ଦ ଉପସ୍ଥିତ ଥିଲେ ।
୧୨୧ଟି ବସ୍କୁ କବାଡିବାଲାଙ୍କ ହାତକୁ ଟେକି ଦେଇ ୨୨ କୋଟି ଟଙ୍କା ସ୍ୱାହା କରିଦେଇଛନ୍ତି ରାଜ୍ୟସରକାର : ବାବୁ ସିଂ
