ପରିବାରକୁ ପଚାଶ ଲକ୍ଷ୍ୟ କ୍ଷତିପୂରଣ ଓ ଏଥିପାଇଁ ଦାଇ ଲୋକମାନଙ୍କୁ ଉପଯୁକ୍ତ ଦଣ୍ତ ମିଳୁ : ବାବୁ ସିଂ
ଭୁବନେଶ୍ୱର : ମୁକୁଳା ଡ୍ରେନ୍ ଯୋଗୁ ୨୦୧୯ରେ ନୂଆପଲ୍ଲୀ ଥାନା ଅଧୀନ ସାଲିଆସାହି ଏକାମ୍ରଭିଲ୍ଲା ଛକରେ ଘଟିଥିଲା ଅଘଟଣ। ଅସରାଏ ବର୍ଷାରେ ମୁକୁଳା ଡ୍ରେନ୍ରେ ଭାସି ଯାଇ ଜଣେ ବୃଦ୍ଧଙ୍କର ମୃତ୍ୟୁ ଘଟିଥିଲା। ବିଏମ୍ସିର ଅବହେଳା କାରଣରୁ ସେତେବେଳେ ଏହି ଅଘଟଣ ଘଟିଲା ବୋଲି ପରିବାର ଲୋକେ ଅଭିଯୋଗ କରିଥିଲେ। କୌଣସି ପରିସ୍ଥିତିରେ ଡ୍ରେନ୍ ମୁକୁଳା ରହିପାରିବ ନାହିଁ। ସମସ୍ତ ଡ୍ରେନ୍ ଉପରେ ସ୍ଲାବ୍ ପକାଇବା ବାଧ୍ୟତାମୂଳକ। କିନ୍ତୁ ରାଜଧାନୀରେ ସୁପ୍ରିମକୋର୍ଟଙ୍କ ଏହି ଗାଇଡ୍ଲାଇନକୁ ବିଏମ୍ସି ଖୋଲାଖୋଲି ଉଲ୍ଲଙ୍ଘନ କରିଚାଲିଛି। ସ୍ମାର୍ଟ ସିଟିରେ ବାରମ୍ବାର ଏଭଳି ଘଟଣା ଘଟିବା ପ୍ରଶାସନର ପାରିବାପଣିଆକୁ ପୁଣିଥରେ ପଦାରେ ପକାଇଛି। ଜଳଜଳ ହୋଇ ଦିଶୁଛି, ବିଏମସି ଓ ପ୍ରଶାସନର ଅବହେଳା। ୨୦୧୮ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଏମସିକୁ ଏକ ହଜାର କୋଟି ପ୍ରଦାନ କରିଥିଲେ ଡ୍ରେନେଜ୍ ସମସ୍ୟା ସମାଧାନ କରିବାକୁ। ସମସ୍ୟାର ସମାଧାନ ହେବ କ’ଣ, ମୁକୁଳା ଡ୍ରେନ୍ ଯୋଗୁଁ ଏଭଳି ଅଘଟଣ ଘଟୁଛି।ଡ୍ରେନରେ ଭାସି ଛୁଆ ମଲା, ଏଇଟା ପୁଣି ଦୈବୀ ଦୁର୍ବିପାକ। ବାସ୍ତବରେ ଆମ ବିଜେଡି ନେତାଙ୍କୁ ଏ କଥା ଜଣା ନାହିଁ ଯେ, କୋଉଠି କ’ଣ କହିବେ । କାଲିର ଅଘଟଣ ସାରା ରାଜ୍ୟକୁ ସ୍ତବ୍ଧ କରିଛି। ୧୦ମ ଶ୍ରେଣୀର ନାବାଳକ ରାଜା ଓରଫ ଜ୍ୟାତିପ୍ରକାଶ ବେହେରା ଟିଉସନ୍ ଯାଉଥିବା ବେଳେ ମୁକୁଳା ଡ୍ରେନରେ ପଡି ପ୍ରାଣ ହରାଇଲେ ।ତାଙ୍କ ମତରେ ଏ ଅଘଟଣର ଯୋଡିଏ କାରଣ, ୧- ଏହା ଦୈବୀଦୁର୍ବିପାକ ପର୍ୟ୍ୟାୟ ଭୁକ୍ତ, ଏଣୁ କିଛି କରାଯାଇପାରିବ ନାହିଁ; ୨- ଇଲେକ୍ଟ୍ରାନିକ୍ସ ଗଣମାଧ୍ୟମ ସଚେତନ କରୁ ନ ଥିବାରୁ ଲୋକୋ ବର୍ଷାରେ ଘରୁ ବାହାରିବା ଭୁଲ୍ । ସେଥିପାଇଁ ଡ୍ରେନରେ ପଡି ପ୍ରାଣ ହରାଉଛନ୍ତି। ଏବେ କୁହନ୍ତୁ ଏ ଦୁଇଟି କାରଣ ଆପଣଙ୍କୁ କେମିତି ଲାଗିଲା। ଏହା ଯଦି ଦୈବୀ ଦୁର୍ବିପାକ ତା ହେଲେ ଏଥିରେ ବିଏମସିର କୌଣସି ଭୁଲ୍ ନାହିଁ। ସେମାନେ ଡ୍ରେନ ଖୋଳିବେ। ତା ଉପରେ ସ୍ଲବ ପକାଇବେ ନି । ଏଇଟା ସେମାନଙ୍କର ଇଚ୍ଛା। ଦୁଇ ଦୁଇଥର ମେୟର ହୋଇ ଭୁବନେଶ୍ୱରର ଭଲମନ୍ଦ ବୁଝିଥିବା ମେୟର ଓ ବିଧାୟକଙ୍କ ଏହି ଅଘଟଣ ପାଇଁ ପ୍ରଶାସନର କୌଣସି ତ୍ରୁଟି ଆଖିକୁ ଦିଶିଲାନି। ହଉ ଧରି ନିଆଯାଉ ଏହା ଠିକ୍। ହେଲେ ସେ ଯେଉଁ ୨ୟ କାରଣ ଦର୍ଶାଇଲେ ତାହା ତାଙ୍କୁ ଆହୁରି ଲଜ୍ଜିତ କଲା ବୋଲି କହିଲେ ଠିକ୍ ହେବ । ଯଦି ଭୁବନେଶ୍ୱର ସ୍ମାର୍ଟ ସିଟି, ତା ହେଲେ ଏଠାରେ ଥିବା ସବୁ ବ୍ୟବସ୍ଥା ସ୍ମାର୍ଟ । କିନ୍ତୁ ବର୍ଷା ହେଲେ ଘରୁ ବାହାରିବା ମନା। ଗୋଟିଏ ପଟେ ଆପଣ କହୁଛନ୍ତି ଏହା ସ୍ମାର୍ଟ ସିଟି ଆଉ ଗୋଟିଏ ପଟେ ଏ କଥା ବି କହୁଛନ୍ତି ଯେ, ବର୍ଷାରେ ବାହାରକୁ ବାହାରନ୍ତୁ ନାହିଁ । ନଚେତ୍ ଏମିତି ଅଘଟଣ ପାଇଁ ଆପଣ ନିଜେ ହିଁ ଦାୟୀ ହେବ । ଧନ୍ୟ କହିବ ଆପଣଙ୍କୁ। ଯା ହେଉ ଦୀର୍ଘ ୧୦ ବର୍ଷ କାଳ ଭୁବନେଶର ମେୟର ହୋଇ ଆମ ଭୁବନେଶ୍ୱରୀଆଙ୍କ ମୁରବୀ ହୋଇ ମୁରବୀପଣିଆକୁ ଆପଣ ଠିକ୍ ଚରିତାର୍ଥ କରିଦେଲେ ଯାହା। ଗୋଟିଏ ଛୁଆ ମରିଗଲା। ତା ବାପା, ମା’ଙ୍କ ହୃଦୟରେ କ’ଣ ହେଉଥିବ ସେ କଥା ଭାବିଲେ ଆମ ହୃଦ୍ ସ୍ମନ୍ଦନ ବଢି ଯାଉଛି। ହେଲେ ଏକ୍ସ ମେୟର ତଥା ଶାସକ ଦଳର ବିଧାୟକ ବାବୁ କହୁଛନ୍ତି ଏଇଟା ଦୈବି ଦୁର୍ବିପାକ । ତାଙ୍କ ମୁହଁକୁ ଲାଜ ନାହିଁ ଯାହା। ମୁକୁଳା ଡ୍ରେନରୁ ଛାତ୍ର ନିଖୋଜ ଘଟଣା, ଆଉ କେତେ ଜୀବନ ଗଲେ ଭାଙ୍ଗିବ ନିଦ ବୋଲି ପ୍ରଶ୍ନ କଲେ ବିଜେପି ଭୁବନେଶ୍ୱର ସାଙ୍ଗଠନିକ ଜିଲ୍ଲା ସଭାପତି ବାବୁ ସିଂ।ମୁକୁଳା ଡ୍ରେନରୁ ଛାତ୍ର ନିଖୋଜ ଘଟଣା, ଆଉ କେତେ ଜୀବନ ଗଲେ ଭାଙ୍ଗିବ ନିଦ ବୋଲି ପ୍ରଶ୍ନ କଲା ବିଜେପି।ରାଜଧାନୀରେ ଖୋଲା ଡ୍ରେନରେ ଭାସି ନିଖୋଜ ଛାତ୍ରଙ୍କ ମିଳିଲା ମୃତଦେହ । ୧୯ ଘଣ୍ଟା ଖୋଜାଖୋଜି ପରେ ପଞ୍ଚସଖା ନଗର ନାଳରୁ ଦଶମ ଶ୍ରେଣୀ ଛାତ୍ର ଜ୍ୟୋତିପ୍ରକାଶ ବେହେରାଙ୍କ ମୃତଦେହ ଉଦ୍ଧାର କରିଛି ଅଗ୍ନିଶମ ବାହିନୀ ଟିମ୍ । ଗତକାଲି ଟ୍ୟୁସନ୍ ଯାଇ ଫେରିବା ବେଳେ ଖୋଲା ଡ୍ରେନରେ ଖସି ପଡ଼ିଥିଲେ ଜ୍ୟୋତିପ୍ରକାଶ । ପାଣି ସୁଅରେ ଭାସି ଯାଇଥିଲେ ମୃତ ଜ୍ୟୋତିପ୍ରକାଶ।
ତେବେ ଭୁବନେଶ୍ୱର ଜିଲ୍ଲା ବିଜେପି ଗତ କାଲି ଭୁବନେଶ୍ୱର ମହାନଗର ନିଗମର କମିଶନର ସଂଜୟ ସିଂ ଙ୍କ ବିରୁଦ୍ଧରେ ଖଣ୍ଡଗିରି ଥାନାରେ ଏତଲା ଦେଇଥିଲେ।ଆଜି ଭୁବନେଶ୍ୱର ସାଙ୍ଗଠନିକ ଜିଲ୍ଲା ବିଜେପି ର ସହ ସହ କାର୍ୟ୍ୟକର୍ତା ଜିଲ୍ଲା ସଭାପତି ବାବୁସିଂ ଙ୍କ ନେତୃତ୍ୱରେ ଭୁବନେଶ୍ୱର ମହାନଗର ନିଗମ ଅଫିସ ଆଗରେ ବିକ୍ଷୋଭ ପ୍ରଦର୍ଶନ ଓ ରାସ୍ତାରେ ଧାରଣା ରେ ବସିବା ସହ ଅଫିସ ଭିତରକୁ ଧସେଇ ପଶିବାକୁ ଉଦ୍ୟମ କରିଥିଲେ।ଏହି ସମୟରେ ପୋଲିସ ସହ ଧସ୍ତାଧସ୍ତି ହୋଇ ଥିଲେ କାର୍ୟ୍ୟକର୍ତା।ପୋଲିସ ଗିରଫ କରିଥିଲା ଅନେକ କର୍ମୀ ଙ୍କୁ।ଜିଲ୍ଲା ସଭାପତି ବାବୁସିଂ ଦାବି କରିଛନ୍ତି ଯେ ଏହି ଘଟଣାରେ ଯେଉଁମାନେ ଦୋଷୀ ସେମାନଙ୍କୁ ଗିରଫ କରିବା ସହ ଜ୍ୟୋତିପ୍ରକାଶ ଙ୍କ ପରିବାରକୁ ପଚାଶ ଲକ୍ଷ୍ୟ ଟଙ୍କା କ୍ଷତିପୂରଣ ଅର୍ଥ ପ୍ରଦାନ କରାଯାଉ।
ଏହି ବିକ୍ଷୋଭ ରେ ରାଜ୍ୟ ରାଜ୍ୟ ମୁଖପାତ୍ର ଦିଲ୍ଲୀପ ମହାନ୍ତି,ରାଜ୍ୟ କାର୍ୟ୍ୟକାରିଣୀ ସଦସ୍ୟା ଉର୍ମିଳା ମହାପାତ୍ର,ରାଜ୍ୟ ମହିଳା ମୋର୍ଚ୍ଚା ର ଉପସଭାପତି କସ୍ତୁରୀ ମିଶ୍ର,ରାଜ୍ୟ ମହିଳା ମୋର୍ଚ୍ଚା ର ଇରାନୀ ରାୟ,ରାଜ୍ୟ କୃଷକ ମୋର୍ଚ୍ଚା ସଂଯୋଜକ ସୁନୀଲ ପ୍ରଧାନ, ରାଜ୍ୟ ଯୁବ ମୋର୍ଚ୍ଚା ସମ୍ପାଦକ ମନୋଜ ପଶ୍ଚିମକବାଟ,ଜିଲ୍ଲା ସାଧାରଣ ସମ୍ପାଦକ ଅଭିଷେକ ଆଚାର୍ୟ୍ୟ,ହିମାଂଶୁ ଶେଖର ଛୋଟରାୟ,ଦିଲ୍ଲୀପ ବେହେରା,ମହିଳା ମୋର୍ଚ୍ଚା ସଭାପତି ମନ୍ଦାକିନୀ ପାତ୍ର,ଯୁବ ମୋର୍ଚ୍ଚା ସଭାପତି ରଶ୍ମିରଞ୍ଜନ ମୁଦୁଲି,ଜିଲ୍ଲା ସମ୍ପାଦକ ତାପସ ଦଳାଇ,ଉର୍ଣ୍ଣତି ପରିଡ଼ା,ଜିଲ୍ଲା ମଣ୍ଡଳ ସଭାପତି ଦାମୋଦର ବେହେରା,ସୁରେନ୍ଦ୍ର ପ୍ରଧାନ, ଅରୁଣ ପୁରହିତ,ଅଞ୍ଜନ ନାଥ, ଜିତେନ୍ଦ୍ର ମହାନ୍ତି,ବିଜୟ ରାଉତ,ଅମରଜ୍ଵତି ଜଗଦ୍ଦେବ, ଜିଲ୍ଲା ଉପ ସଭାପତି ବିଭାସ ସେନଗୁପ୍ତା,ମାନସୀ ରାୟ,ନିରଞ୍ଜନ ରାଉତରାୟ,ଶିବ ବେହେରା,ଜିଲ୍ଲା କାର୍ୟ୍ୟକର୍ତା ସୁଶାନ୍ତ ସାବତ, ବସନ୍ତ ରାଉତ, ଶରତ ଜେନା, ପ୍ରସାନ୍ତ କୁମାର ମହାନ୍ତି,ପ୍ରସାନ୍ତ ନାୟକ,ସୁମିତ୍ରା ଆଚାର୍ୟ୍ୟ, ଅଭିଷେକ ନାୟକ,ସବିତା ପଟ୍ଟନାୟକ,ଲିପ୍ସା ଦାସ,ପ୍ରତୀକ୍ଷା ମହାପାତ୍ର ପ୍ରମୁଖ ଉପସ୍ଥିତ ରହିଥିଲେ।
