ଭୁବେନଶ୍ୱର: ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାର ବୋଧହୁଏ ସ୍କୁଲରେ ପଢିଥିବା ସରଳ ଗଣିତ ପାଠ ଭୁଲି ଗଲେଣି । ନ ହେଲେ କଣ ସେ ଓଡ଼ିଶାରେ ବିଗତ ନିର୍ବାଚନ ଗୁଡିକରେ ବିଜୁ ଜନତା ଦଳ ସହ ଭାରତୀୟ ଜନତା ପାର୍ଟିର ପ୍ରଦର୍ଶନକୁ ତୁଳନା କରିଥାନ୍ତେ କି ବୋଲି କହିଛନ୍ତି ବେିଜଡ଼ି ମୁଖପାତ୍ର ଇପସୀତା ସାହୁ । ଆଜି ଲେଖାଶ୍ରୀଙ୍କ ମନ୍ତବ୍ୟ ଉପେର ଗଣମାଧ୍ୟମକୁ ପ୍ରତିକ୍ରିୟା ଦେଇ ସୁଶ୍ରୀ ସାହୁ କହିଛନ୍ତି ଯେ ସେ ବୋଧହୁଏ ଜାଣି ନାହାନ୍ତି ଯେ ୨୦୧୯ ନିର୍ବାଚନରେ ବିଜେଡି ୭୫ % ଆସନରେ ବିଜୟୀ ହୋଇଥିଲା । ଆଉ ଗତ ପଞ୍ଚାୟତ ନିର୍ବାଚନରେ ୯୦ ପ୍ରତିଶତ ଆସନରେ ବିଜେଡି ସମର୍ôଥତ ପ୍ରାର୍ଥୀମାନେ ଜିତିଥିଲା ବେଳେ ୩୦ରୁ ୩୦ ଜିଲ୍ଲା ପରିଷଦ ମଧ୍ୟ ଗଠନ କରିଥିଲା ।
ମାଡାମ୍ ଆପଣଙ୍କର ମନେ ଥିବ, ଓଡ଼ିଶାରେ ବିଜେପିର ଦୟନୀୟ ଅବସ୍ଥା ଦେଖି ୨୦୧୪ ଓ ୨୦୧୯ରେ ଆପଣ ମଧ୍ୟ ବିଜେଡିରୁ ଟିକଟ ନେବା ପାଇଁ ଚେଷ୍ଟା କରିଥିଲେ । ସୁଶ୍ରୀ ସାହୁ ଆହୁରି କହିଛନ୍ତି ଯେ ମାନସିକ ଭାରସାମ୍ୟ ହରାଇଥିବା ବିରୋଧୀଦଳ ନେତା ଜୟନାରାୟଣ ମିଶ୍ର କେତେବେଳେ ମହିଳା ପୁଲିସ ଅଫିସରଙ୍କୁ ଆକ୍ରମଣ କରୁଛନ୍ତି ତ ଆଉ କେତେବେଳେ ଅଶାଳୀନ ମନ୍ତବ୍ୟ ଦେଇ ଓଡ଼ିଶାର ମା’ମାନଙ୍କୁ ଅପମାନିତ କରୁଛନ୍ତି । ଆପଣ ତ ଜଣେ ଶିକ୍ଷିତ ମହିଳା । ଆପଣ ଜୟନାରାୟଣ ବାବୁଙ୍କ ଭଳି ଜଣେ ମାନସିକ ବିକୃତି ଥିବା ବ୍ୟକ୍ତିଙ୍କ ଦୋଷ ଘୋଡାଇବାକୁ ଉଦ୍ୟମ କରୁଛନ୍ତି କିପରି ? ଆମର ପରାମର୍ଶ, ଆପଣ ବି ଟିକେ ତାଙ୍କ ଠାରୁ ନିରାପଦ ଦୂରତାରେ ରହିବେ । ନ ହେଲେ ସେଭଳି ପାଗଳ ବ୍ୟକ୍ତି କେତେବେଳେ କଣ ଘଟାଇ ବସିବେ କିଏ ଜାଣିଛି ବୋଲି କହିଛନ୍ତି ବେିଜଡ଼ି ମୁଖପାତ୍ର ସୁଶ୍ରୀ ସାହୁ ।
