ଶିକ୍ଷକ ନିଯୁକ୍ତିରୁ ରାଜନୈତିକ ଫାଇଦା ଉଠାଇବାକୁ ଉଦ୍ୟମ
ଉଭୟ ଇଡିସିଆଇଏଲ୍ ଓ ଓସେପା ସବୁକିଛି ସ୍ପଷ୍ଟ କରିଛନ୍ତି
ଭୁବନେଶ୍ୱର : ମନଗଢା ପ୍ରେସ୍ ରିଲିଜ ଜରିଆରେ ଶିକ୍ଷକ ନିଯୁକ୍ତି ଭଳି ସମ୍ବେଦନଶୀଳ ପ୍ରସଙ୍ଗକୁ ବିଭ୍ରାନ୍ତ କରୁଛନ୍ତି କେନ୍ଦ୍ରମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ । ଏଭଳି ଘଟଣାରୁ ତାଙ୍କର ରାଜନୈତିକ ଫାଇଦା ଉଠାଇବାର ମାନସିକତା ସ୍ପଷ୍ଟ ବାରିହୋଇ ପଡୁଛି ବୋଲି କହିଛନ୍ତି ବିଜେଡି ସାଂସଦ ତଥା ରାଷ୍ଟ୍ରୀୟ ମୁଖପାତ୍ର ଡକ୍ଟର ସସ୍ମିତ ପାତ୍ର ।
ଏକ ଟୁଇଟ୍ କରି ଡକ୍ଟର ପାତ୍ର କହିଛନ୍ତି ଯେ ଭାରତ ସରକାରଙ୍କ ଅଧୀନରେ ଥିବା ‘ମିନିରତ୍ନ’ କେନ୍ଦ୍ରୀୟ ରାଷ୍ଟ୍ରାୟତ ସଂସ୍ଥା ଇଡିସିଆଇଏଲ୍ (ଇଣ୍ଡିଆ) ଲିମିଟେଡ୍ ପକ୍ଷରୁ ଜାରି ପ୍ରେସ୍ ବିଜ୍ଞପ୍ତିରେ କନିଷ୍ଠ ଶିକ୍ଷକ ନିଯୁକ୍ତି ନେଇ ସବୁ କିଛି ସ୍ପଷ୍ଟ କରାଯାଇଛି । ଓଡ଼ିଶା ବିଦ୍ୟାଳୟ ଶିକ୍ଷା କାର୍ଯ୍ୟକ୍ରମ ପ୍ରାଧିକରଣ (ଓସେପା)ର ଟୁଇଟ୍ ଏହାକୁ ଭଲ ଭାବେ ସ୍ପଷ୍ଟ କରିଛି ।
ତେବେ ଏକ ଅନୌପଚାରିକ, ଦସ୍ତଖତ ବିହୀନ ଓଡ଼ିଆ ପ୍ରେସ୍ ରିଲିଜ୍ (ସମ୍ଭବତଃ ଶ୍ରୀ ଧର୍ମେନ୍ଦ୍ର ପ୍ରଧାନଙ୍କ ଆଇଟି ସେଲ୍) ଦ୍ୱାରା ସତ୍ୟକୁ ବିଭ୍ରାନ୍ତ ଓ ମିଥ୍ୟା ପ୍ରମାଣିତ କରିବା ପାଇଁ ଭୁଲ ଭାବେ ପ୍ରସାରିତ କରାଯାଇଛି ।
ଶିକ୍ଷକ ନିଯୁକ୍ତି ଭଳି ଏକ ସମ୍ବେଦନଶୀଳ ପ୍ରସଙ୍ଗରେ ରାଜନୀତି କରିବା ଏବଂ ମିଥ୍ୟା ଖବରକୁ ସମ୍ବେଦନଶୀଳ କରିବା ଆଶ୍ଚର୍ଯ୍ୟଜନକ ଏବଂ ଯେକୌଣସି ଉପାୟରେ ରାଜନୈତିକ ଫାଇଦା ଉଠାଇବାର ମାନସିକତାକୁ ଏହା ଦର୍ଶାଉଛି ବୋଲି ଡକ୍ଟର ପାତ୍ର କହିଛନ୍ତି ।
ମନଗଢା ପ୍ରେସ୍ ରିଲିଜ୍ ଜରିଆରେ ବିଭ୍ରାନ୍ତ କରୁଛନ୍ତି ଧର୍ମେନ୍ଦ୍ର: ବିଜେଡି
