ବିଚ୍ ରାସ୍ତାରେ ଯୁବକଙ୍କୁ ନିସ୍ତୁକ ମାଡ

ପୁରୀ: ପିପିଲି ପୁଲିସର ଦବଙ୍ଗଗିରି। ବିଚ୍ ରାସ୍ତାରେ ପୁଲିସ ଜଣେ ଯୁବକଙ୍କୁ ନିସ୍ତୁକ ମାଡ ମାରୁଥିବାର ଦେଖିବାକୁ ମିଳିଛି। ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି। ଭିଡିଓଟିରେ ଜଣେ ପୁଲିସ ବାବୁ ଯୁବକଙ୍କୁ ମାଡ ମାରୁଥିବାବେଳେ ଅନ୍ୟ ଦୁଇ ଜଣ  ମାଡ ଖାଉଥିବା ଯୁବକଙ୍କର ଦୁଇ ହାତକୁ ଧରିଥିବାର ଦେଖିବାକୁ ମିଳିଛି। ମାଡ ଖାଉଥିବା ଯୁବକ ଜଣକ ପିପିଲି ହସନପୁର ଗାଁର ନୃସିଂହ ପ୍ରଧାନ ବୋଲି ଜଣାପଡିଛି। ତେବେ ପୁଲିସର ଏଭଳି ଦବଙ୍ଗଗିରିକୁ ନେଇ ସାରା ଅଞ୍ଚଳରେ ଚର୍ଚ୍ଚା ଜୋର ଧରିଛି। ସେପଟେ ଘଟଣାକୁ ନେଇ ବର୍ତ୍ତମାନ ପର୍ଯ୍ୟନ୍ତ ପୁଲିସ ବାବୁଙ୍କର କୌଣସି ପ୍ରତିକ୍ରିୟା ମିଳିପାରିନି।