ଗାଁରେ ଭାଲୁ ଆତଙ୍କ, ଭୟରେ ଦିନ କାଟୁଛନ୍ତି ଗ୍ରାମବାସୀ

ନୀଳଗିରି: ଗାଁରେ ବୁଲୁଛି ଭାଲୁ । ଭୟଭୀତ ଲୋକ । ବାଲେଶ୍ବର ଜିଲ୍ଲା ନୀଳଗିରି ବ୍ଲକ ପାଟଣା ଗାଁରେ ଭାଲୁ ଆତଙ୍କ । ୩ଦିନ ହେଲା ସ୍ବର୍ଣ୍ଣଚୁଡ଼ ପାହାଡରୁ ଭାଲୁଟି ଆସି ଆତଙ୍କ ଖେଳାଇଛି । ଗତକାଲି ଗାଁର ଜଣେ ବ୍ୟକ୍ତିଙ୍କ ଘରେ ଦୀର୍ଘ ଅଧ ଘଣ୍ଟା ଧରି ପଶି ରହିଥିଲା । ପରେ ବନବିଭାଗ ପହଂଚି ଭାଲୁକୁ ଘଉଡାଇଥିଲେ । ଭାଲୁ ପଶୁଥିବାରୁ ସଞ୍ଜ ହେଲେ ଲୋକ ତାଟି କବାଟ ପକାଇ ଦେଉଛନ୍ତି । ବାରମ୍ବାର ଗାଁରେ ଭାଲୁ ପଶୁଥିବାରୁ ଅସନ୍ତୋଷ ପ୍ରକାଶ କରିଛନ୍ତି ଗ୍ରାମବାସୀ । ବାଲେଶ୍ୱର ଜିଲ୍ଲା ନୀଳଗିରି ବ୍ଲକର ପାଟଣା ଗାଁରେ ଗତ ତିନି ଦିନ ଧରି ଭାଲୁ ଆତଙ୍କ ଦେଖାଦେଇଛି । ସ୍ୱର୍ଣ୍ଣଚୂଡ଼ ପାହାଡ଼ରୁ ଏକ ଭାଲୁ ବାରମ୍ବାର ଗାଁ ମଧ୍ୟକୁ ପଶି ଆସୁଥିବାରୁ ସ୍ଥାନୀୟ ଲୋକମାନେ ଭୟଭୀତ ହୋଇପଡ଼ିଛନ୍ତି । ସନ୍ଧ୍ୟା ହେବା ମାତ୍ରେ ଗ୍ରାମବାସୀ ଘରର ତାଟି କବାଟ ବନ୍ଦ କରି ଘର ଭିତରେ ରହୁଛନ୍ତି । ଶିଶୁ ଓ ବୃଦ୍ଧମାନଙ୍କୁ ବାହାରକୁ ନ ଯିବା ପାଇଁ ପରିବାର ଲୋକ ସତର୍କ କରୁଛନ୍ତି । ଗତକାଲି ଭାଲୁଟି ଗାଁର ଜଣେ ବ୍ୟକ୍ତିଙ୍କ ଘର ଭିତରେ ପଶି ପ୍ରାୟ ଅଧ ଘଣ୍ଟା ଧରି ରହିଥିଲା । ଏହା ଦେଖି ପରିବାର ସଦସ୍ୟମାନେ ଭୟରେ ଘରୁ ବାହାରି ଆସି ସୁରକ୍ଷିତ ସ୍ଥାନକୁ ପଳାଇଥିଲେ। ଘଟଣାର ଖବର ପାଇ ବନବିଭାଗର କର୍ମଚାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚି ବହୁ ଚେଷ୍ଟା ପରେ ଭାଲୁଟିକୁ ଜଙ୍ଗଲ ଆଡ଼କୁ ଘଉଡ଼ାଇ ଦେଇଥିଲେ ।