ଜିଲ୍ଲା ପ୍ରଶାସନକୁ ଖାଦ୍ୟ ପଦାର୍ଥ ହସ୍ତାନ୍ତର କଲେ ନରସିଂହ
ବଲାଙ୍ଗିର, – ଆଜି ଜିଲ୍ଲା କରଣ ସମାଜର ଜିଲ୍ଲା ଚିତ୍ରଗୁପ୍ତ କଲ୍ୟାଣ ସମିତି ତରଫରୁ ବଲାଙ୍ଗିର ହାତୀଶାଲପଡା ଏବଂ ଠିକାଦାରପଡା କଣ୍ଟେନମେଣ୍ଟ ଜୋନରେ ଆବଦ୍ଧ ହୋଇ ରହିଥିଲା ଗରିବ ଲୋକଙ୍କ ପାଇଁ ଶୁଖିଲା ଖାଦ୍ୟ ପୁଡିଆ ବଣ୍ଟନ କରା ଯାଇଛି । କରୋନା କଟକଣା ଯୋଗୁଁ ସମସ୍ତ ପ୍ରକାର ସତର୍କତା ଓ ସାବଧାନତା ଅବଲମ୍ବନ କରି ଏହି ସମସ୍ତ ଖାଦ୍ୟ ପୁଡିଆକୁ ବଲାଙ୍ଗିର ବିଧାୟକ ନରସିଂହ ମିଶ୍ର ଯୋଗଦେଇ ଜିଲ୍ଲା ପ୍ରଶାସନ ତରଫରୁ ଉପସ୍ଥିତ ଥିବା ବଲାଙ୍ଗିର ପୌର ଅଧିକାରୀ ବିପିନ ବିହାରୀ ଦିପଙ୍କୁୁ ହସ୍ତାନ୍ତର କରିଥିଲେ । ଏହି ଖାଦ୍ୟ ପୁଡିଆରେ ଚାଉଳ, ତେଲ, ଡାଲି, ତେଲ, ଲୁଣ, ପିଆଜ ସାମିଲ ଅଛି । କାର୍ଯ୍ୟକ୍ରମରେ ବଲାଙ୍ଗିର ଆଦର୍ଶଥାନାର ଟାଉନ ଅଧିକାର ସଂଗ୍ରାମ କେଶରୀ ପଟ୍ଟନାୟକ ମଧ୍ୟ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ଅନାଦି ପଟ୍ଟନାୟକ, ସଂଗ୍ରାମ ବହିଦାର, ଅନନ୍ତରାମ ପଟ୍ଟନାୟକ, ମାନସ ରଂଜନ ମହାନ୍ତି, ରବିନ୍ଦ୍ର ପଟ୍ଟନାୟକ, ମହାବୀର ପଟ୍ଟନାୟକ, ଚରଣଦୀପ ସାହାଣି, ଲିଙ୍କନ ପଟ୍ଟନାୟକ, ସନ୍ତୋଷ ପଟ୍ଟନାୟକ, ଅଜୟ ପଟ୍ଟନାୟକ, ସ୍ୱଦୀପ ପଟ୍ଟନାୟକ, ଦିନେଶ ଦାନି, ସ୍ୱେତପୂର୍ଣ୍ଣ ପଟ୍ଟନାୟକ, ସ୍ମିତା ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ ।
