ନୂଆଦିଲ୍ଲୀ : ଅଶୋକ ଭାସ୍ୱାନିଙ୍କୁ କୋଟାକ୍ ମହିନ୍ଦ୍ରା ବ୍ୟାଙ୍କ୍ର ନୂତନ ପରିଚାଳନା ନିର୍ଦ୍ଦେଶକ ଏବଂ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ପଦରେ ନିଯୁକ୍ତ କରାଯାଇଛି । କୋଟାକ୍ ମହିନ୍ଦ୍ରା ବ୍ୟାଙ୍କ ପରିଚାଳନା ବୋର୍ଡ ବୈଠକରେ ଏହି ନିଷ୍ପତ୍ତି ନିଆଯାଇଛି । ୨୦୨୪ ଜାନୁଆରୀ ୧ରୁ ଆସନ୍ତା ୩ ବର୍ଷ ପର୍ଯ୍ୟନ୍ତ ସେ ଏହି ଦାୟିତ୍ୱରେ ରହିବେ ବୋଲି ଜଣାପଡିଛି ।
ଗତ ସେପ୍ଟେମ୍ବର ୧ରେ ଉଦୟ କୋଟାକ୍ ଏମ୍ଡି ଓ ସିଇଓ ପଦରୁ ଇସ୍ତଫା ଦେବାରୁ ଏହି ପଦ ଖାଲିପଡିଥିଲା । ଭାସ୍ୱାନି ପୂର୍ବରୁ ବାର୍କଲେଜ୍, ପାଗାୟା ଟେକ୍ନୋଲୋଜିଜ୍, ଲଣ୍ଡନ ଷ୍ଟକ୍ ଏକ୍ସଚେଞ୍ଜ୍ ଗ୍ରୁପ୍ରେ କାର୍ଯ୍ୟ କରିସାରିଛନ୍ତି ।
