ମୁମ୍ବାଇ: ବର୍ତ୍ତମାନ ସମୟରେ ରାଜ୍ୟ ତଥା ଦେଶରେ ଅପରାଧିକ ମାମଲା ବୃଦ୍ଧି ପାଇବାର ଲାଗିଛି । କିଏ ଧନ ସମ୍ପତ୍ତି ପାଇଁ କାହାକୁ ହତ୍ୟା କରିଲାଣି ତ ଆଉ କିଏ ପ୍ରମ ସମ୍ପର୍କକୁ ନେଇ ପ୍ରେମିକାକୁ ଧମକ ଦେଲାଣି । ତେବେ ପୂର୍ବରୁ ଏହିପରି ମାମାଲା ଅନେକ ଘଟିଥିବା ବେଳେ ବର୍ତ୍ତମାନ ପୁଣି ଏକ ମାମାଲା ସାମ୍ନାକୁ ଆସିଛି । ଯାହାକି ସେଠାକାର ଅଞ୍ଚଳରେ ଭୟଙ୍କର ବାତାବରଣ ସୃଷ୍ଟି କରିଛି ।
ତେବେ ମିଳିଥିବା ସୂଚନା ଅନୁଯାୟୀ, ଦକ୍ଷିଣ ମୁମ୍ବାଇରେ ରହୁଥିବା ଜଣେ ମହିଳାଙ୍କ ଉପରକୁ ଜଣେ ୬୨ ବର୍ଷର ବୟସ୍କ ବ୍ୟକ୍ତି ଏସିଡ ମାଡ କରିଛି । ଫଳରେ ମହିଳା ଜଣଙ୍କ ଗୁରୁତର ଆହତ ହୋଇଛନ୍ତି । ତେବେ ଏହି ଘଟଣା ସମ୍ପର୍କରେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଉକ୍ତ ମହିଳାଙ୍କୁ ଉଦ୍ଧାର କରିବା ସହ, ହସ୍ପିଟାଲରେ ଭର୍ତ୍ତି କରିଛି । ତେବେ ପୋଲିସର କହିବା ଅନୁଯାୟୀ, ମହିଳାଙ୍କ ଉପରୁ ଏସିଡ ମାଡ କରିଥିବା ବ୍ୟକ୍ତି ଜଣଙ୍କ ତାଙ୍କୁ ଜାଣିଛନ୍ତି । ଏଥିସହିତ ଉଭୟ ଦୀର୍ଘ ୨୫ ବର୍ଷ ଧରି ଲିଭ୍ -ଇନ୍ ରେ ରହୁଥିବା ମଧ୍ୟ ଜଣାପଡିଛି ।
