ଦଶ ମହଲା କୋଠାରୁ ଡେଇଁ ଜୀବନ ହାରିଲେ ଆଇଏଏସ ଅଫିସରଙ୍କ ଝିଅ

ମହାରାଷ୍ଟ୍ର : ଆତ୍ମହତ୍ୟା କରିଛନ୍ତି ଆଇଏଏସ ଅଫିସର ବିକାଶ ରସ୍ତୋଗିଙ୍କ ଝିଅ । ଏପରି ଏକ ଦୁଃଖଦ ଖବର ସୋମବାର ସକାଳେ ଘଟିଛି । ପୋଲିସ ଘଟଣାର ତଦନ୍ତ ଜାରି କରିଛି । ସୂଚନା ଅନୁସାରେ, ମହାରାଷ୍ଟ୍ର କ୍ୟାଡର ଆଇଏଏସ ଅଫିସର ବିକାଶ ରସ୍ତୋଗିଙ୍କ ଝିଅ ଦଶ ମହଲା କୋଠାରୁ ଡେଇଁ ନିଜ ଜୀବନ ହାରିଛନ୍ତି । ଏହି ଘଟଣା ପରେ ପରିବାର ଲୋକ ତୁରନ୍ତ ତାଙ୍କୁ ମେଡିକାଲ ନେଇଥିଲେ । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ । ଖବର ପାଇ, ପୋଲିସ ପହଞ୍ଚି ଘଟଣାର ତଦନ୍ତ କରିବା ସହିତ ଏକ ସୁଇସାଇଡାଲ ନୋଟକୁ ଜବତ କରିଛି । ମୃତ୍ୟୁର କାରଣ ଏ ପର୍ଯ୍ୟନ୍ତ ଅସ୍ପଷ୍ଟ ରହିଛି । ଏହି ଘଟଣା ପରେ ପରିବାରରେ ଶୋକର ଛାୟା ଖେଳିଯାଇଛି ।