ଶିମିଳିପାଳରୁ ଠାବ ହେଲା ୧୧୧୫ ଫୁଟର ଆକର୍ଷଣୀୟ ଜଳପ୍ରପାତ

୬ ସ୍ତର ବିଶିଷ୍ଟ ଏହି ସୁବର୍ଣ୍ଣଝରଣ ଜଳପ୍ରପାତର ୪ଟି ସ୍ତର ଦୃଶ୍ୟମାନ ହେଉଥିବା ବେଳେ ଅନ୍ୟ ଦୁଇଟି ସ୍ତର ଗଛପତ୍ର ର ସବୁଜ ଆବରଣ ଭିତର ଦେଇ ବହୁଥିବାର ଜଣାଯାଇଛି | ଘଞ୍ଚ ଅରଣ୍ୟ ପରିବେଷ୍ଟିତ ଏହି ଅଞ୍ଚଳଟି ରେ ଏଭଳି ଏକ ଜଳପ୍ରପାତ ଆବିଷ୍କୃତ ହେବା ପରେ ଆଖପାଖ ଅଞ୍ଚଳର ଜନସାଧାରଣଙ୍କ ମଧ୍ୟରେ ଉତ୍କଣ୍ଠା ପ୍ରକାଶ ପାଇଛି। ୧୮ କି.ମି.ର ଦୁଃସାହସିକ ଯାତ୍ରାରେ ଅଙ୍କାବଙ୍କା ରାସ୍ତାରେ ସର୍ବମୋଟ ୮.୫ କି.ମି. ପାହାଡ ଚଢି ଜଳପ୍ରପାତର ସର୍ବୋଚ୍ଚ ସ୍ତରରେ ପହଞ୍ଚିବା ସହ ଏହି ଜଳପ୍ରପାତକୁ ଆବିଷ୍କାର କରିଥିଲେ ସଂଗଠନର ସଦସ୍ୟ ମାନେ। ଏହି ଦୁଃସାହସିକ ଯାତ୍ରାରେ କୁମାରେଶ ନାୟକ, ଜୟପ୍ରକାଶ ସିଂହ, ସନତ ବାରିକ, ରଞ୍ଜିତ ପଲେଇ, ଲୋକେଶ୍ବର ଭଞ୍ଜ, ବିଶ୍ବଜିତ ମାରାଣ୍ଡି ଓ ସୁବର୍ଣ୍ଣମଞ୍ଜରୀ ଗ୍ରାମର କୈଳାସ ସିଂ ପ୍ରମୁଖ ସାମିଲ ଥିଲେ।