ଆମେରିକା ଦେଲା ଖୋଲା ଧମକ : ଯଦି ଇରାନ ଓ ହିଜବୁଲ୍ଲା ଇସ୍ରାଏଲ ଉପରେ ଆକ୍ରମଣ କରନ୍ତି ତେବେ ଆମେରିକା ଚୁପ ବସିବ ନାହିଁ

ବ୍ୟୁରୋ : ଅକ୍ଟୋବର ୭ ରେ ହମାସ ଆତଙ୍କବାଦୀମାନେ ଇସ୍ରାଏଲ ଉପରେ ଆକ୍ରମଣ କରିଥିଲେ। ଏହି ଆକ୍ରମଣରେ ୧୪୦୦ ଇସ୍ରାଏଲ ନାଗରିକଙ୍କର ମୃତ୍ୟୁ ଘଟିଥିଲା ।  ଆମେରିକା ଏହି ଆକ୍ରମଣକୁ ଖୋଲାଖୋଲି ନିନ୍ଦା କରି ତାହାକୁ  ଆତଙ୍କବାଦୀ ଆକ୍ରମଣ ବୋଲି ଘୋଷଣା କରିଛି । କେବଳ ଏତିକି ନୁହେଁ ଆମେରିକାର ରାଷ୍ଟ୍ରପତି ବାଇଡେନ ଏବଂ ବୈଦେଶିକ ମନ୍ତ୍ରୀ ଆଣ୍ଟୋନି ବ୍ଲିଙ୍କେନ୍ ଇସ୍ରାଏଲ ଗସ୍ତ  କରି ନିଜର ସମର୍ଥନ ଜଣାଇଛନ୍ତି । ସହାୟତା ଦେବକୁ ଆମେରିକା ଇସ୍ରାଏଲ ସୀମା ନିକଟରେ ନିଜର ଯୁଦ୍ଧ ଜାହାଜ ମଧ୍ୟ ନିୟୋଜିତ କରିଛି ।ଗତ ୩୦ ଦିନ ଧରି ଇସ୍ରାଏଲ ଏବଂ ହାମାସ ମଧ୍ୟରେ ଭୟଙ୍କର ଯୁଦ୍ଧ ଚାଲିଛି । ଏହି ଆକ୍ରମଣରେ ଏପର୍ଯ୍ୟନ୍ତ ୧୧,୦୦୦ ଜଣଙ୍କର ମୃତ୍ୟୁ ହୋଇଛି । ଏହି ସମୟରେ ଆମେରିକା ଇରାନ ଏବଂ ହିଜବୁଲକୁ ଚେତାବନୀ ଦେଇଛି। ଇରାନ ଏବଂ ହିଜବୁଲଙ୍କୁ ବାଇଡେନ ପ୍ରଶାସନ ଚେତାବନୀ ଦେଇଛି ଯେ ଯଦି ସେମାନେ ଇସ୍ରାଏଲ ଉପରେ ଆକ୍ରମଣ କରନ୍ତି ତେବେ ଆମେରିକାର ଏଥିରେ ହସ୍ତକ୍ଷେପ କରିବ । ଏହାପୂର୍ବରୁ ମଧ୍ୟ ଆମେରିକାର ରାଷ୍ଟ୍ରପତି ଜୋ ବାଇଡେନ ମଧ୍ୟ ହାମାସ ଏବଂ ଇସ୍ରାଏଲ ମଧ୍ୟରେ ଚାଲିଥିବା ବିବାଦରେ ଇରାନକୁ ମୁଣ୍ଡ ନ ପୁରେଇବାକୁ  କଡା ସ୍ୱରରେ ଚେତାବନୀ ଦେଇଛନ୍ତି । ଏହାପୂର୍ବରୁ ଆମେରିକାର ରାଷ୍ଟ୍ରପତି ଜୋ ବାଇଡେନ ମଧ୍ୟ ଇରାନକୁ କଡା ସ୍ୱରରେ ଚେତାବନୀ ଦେଇଛନ୍ତି ଯେ ହାମାସ ଏବଂ ଇସ୍ରାଏଲ ମଧ୍ୟରେ ବିବାଦରେ ଜଡିତ ନ ହୁଅନ୍ତୁ । ବାଇଡେନ ନିକଟରେ କହିଥିଲେ ଯେ ଇସ୍ରାଏଲ ନିକଟରେ ଆମେରିକାର ବିମାନ ଏବଂ ସାମରିକ ଜାହାଜ ନିୟୋଜନ ଇରାନ ପାଇଁ ଏକ ଚେତାବନୀ ବୋଲି ସେମାନେ ଜାଣିବା ଦରକାର । ଏହା ସେମାନକ ପାଇଁ ମଧ୍ୟ ଏକ ଚେତାବନୀ ଯେଉଁମାନେ  ଇସଲାମବାଦୀ ଗୋଷ୍ଠୀ ହମାସ ଏବଂ ଲେବାନାନର ହିଜବୁଲାକୁ ସମର୍ଥନ କରୁଛନ୍ତି । ବାଇଡେନ କହିଛନ୍ତି ଯେ ଏହି ଆକ୍ରମଣ ଏକ କ୍ରୁରତାର ନିଦର୍ଶନ । ଏହା କେବଳ ଖାଲି ଘୃଣା ନୁହେଁ, ବରଂ ୟିହୁଦୀ ଲୋକଙ୍କ ପ୍ରତି ଅତ୍ୟନ୍ତ କ୍ରୁରତା । ସେ କହିଥିଲେ, ୟିହୁଦୀମାନଙ୍କ ପାଇଁ ଏହା ସବୁଠାରୁ ମାରାତ୍ମକ ଦିନ ଥିଲା । ଆମେ ଇସ୍ରାଏଲ ପାଇଁ ଆମର ସୈନ୍ୟ ସହାୟତା ବୃଦ୍ଧି କରୁଛି । ଯାହା ମଧ୍ୟରେ ଆଇରନ୍ ଡୋମକୁ ସଜାଡିବା ପାଇଁ ଗୁଳି ସମେତ ଇସ୍ରାଏଲ୍ ପ୍ରତିରକ୍ଷା ବାହିନୀକୁ ଅତିରିକ୍ତ ସାମରିକ ସହାୟତା ପ୍ରଦାନ କରୁଛୁ । ଆମେ ଆମେରିକାର ଯୁଦ୍ଧବାହୀ କ୍ୟାରିଅର୍ ଜାହାଜକୁ ପୂର୍ବ ଭୂମଧ୍ୟସାଗରରେ ନିୟୋଜିତ କରିଛୁ । ଆମେ ସେହି ଅଞ୍ଚଳକୁ ଅଧିକ ଯୁଦ୍ଧ ବିମାନ ପଠାଉଛୁ ଏବଂ ଇରାନକୁ ଏହା ସ୍ପଷ୍ଟ କରିଛୁ, ସାବଧାନ ରୁହନ୍ତୁ ।