ମୁମ୍ଵାଇ: ହିନ୍ଦୀ ସିନେମାକୁ ଅତିଫ୍ ଅସଲମ୍ ଅନେକ ସୁପରହିଟ୍ ମ୍ୟୁଜିକ୍ ଦେଇଛନ୍ତି। ହେଲେ ତାଙ୍କୁ କିଛି ବର୍ଷ ପାଇଁ ବଲିଉଡରେ ବ୍ୟାନ୍ କରାଯାଇଥିଲା। କିନ୍ତୁ, ତାଙ୍କର ଗୀତ ଗୁଡ଼ିକ ଲୋକଙ୍କ ମନରେ ରହିଆସିଛି । ଅତିଫ୍ଙ୍କ ପ୍ରଶଂସକ ଧାଡି ବହୁତ ଲମ୍ଵା । ବର୍ତ୍ତମାନ ତାଙ୍କ ପ୍ରଶଂସକଙ୍କ ପାଇଁ ଏକ ବଡ଼ ସରପ୍ରାଇଜ୍। ଗାୟକ ପୁଣି ଥରେ ବଲିଉଡରେ କମ୍ବ୍ୟାକ୍ କରିବାକୁ ଯାଉଛନ୍ତି । ସେ ତାଙ୍କ ଆଗାମୀ ଚଳଚ୍ଚିତ୍ର ପାଇଁ ଏକ ଗୀତ ଗାଇବାକୁ ଯାଉଛନ୍ତି।
କିଛି ବର୍ଷ ପୂର୍ବେ ପାକିସ୍ତାନୀ କଳାକାରମାନଙ୍କୁ ଭାରତରେ କାମ କରିବାକୁ ବ୍ୟାନ୍ କରାଯାଇଥିଲା। ପରେ ବମ୍ବେ ହାଇକୋର୍ଟ ଏବଂ ସୁପ୍ରିମକୋର୍ଟ ଭାରତରେ ନିଷେଧାଦେଶ ଆବେଦନକୁ ପ୍ରତ୍ୟାଖ୍ୟାନ କରିଥିଲେ। ଏହା ପରେ ବଲିଉଡ ଏବେ ତାଙ୍କ ପାଇଁ ସମସ୍ତ ଦ୍ୱାର ଖୋଲିଛି। ଏଭଳି ପରିସ୍ଥିତିରେ ଅତିଫ ତାଲିକାର ପ୍ରଥମ ନାମ ଯିଏକି ବର୍ଷ ପରେ ବଲିଉଡରେ ପ୍ରବେଶ କରିବାକୁ ଯାଉଛନ୍ତି। ୭ ବର୍ଷର ବିରତି ପରେ ଅତିଫ୍ ପ୍ରତ୍ୟାବର୍ତ୍ତନ କରୁଛନ୍ତି। ନିଷେଧାଦେଶ ପରେ ହିନ୍ଦୀ ସିନେମାରୁ ଅତିଫ ଗାଏବ ହୋଇ ଯାଇଥିଲେ। କିନ୍ତୁ, ସେ ପୁଣି ହିନ୍ଦୀ ସିନେମାରେ ଗୀତ ଗାଇବାକୁ ନିଷ୍ପତ୍ତି ନେଇଛନ୍ତି।
