ଅବୈଧ ଖଣି ଖନନ ମାମଲାରେ ପଚରା ଉଚରା ପାଇଁ ଆଜି ସିବିଆଇରେ ହାଜର ହୋଇପାରନ୍ତି ଅଖିଳେଶ

ନୂଆଦିଲ୍ଲୀ : ସମାଜବାଦୀ ପାର୍ଟି ମୁଖ୍ୟ ତଥା ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କୁ ସିବିଆଇର ସମନ । ଅବୈଧ ଖଣି ଖନନ ମାମଲାରେ ଏହି ସମନ ଦିଆଯାଇଛି । ଅବୈଧ ଖଣି ଖନନ ମାମଲାରେ ପଚରା ଉଚରା କରିବା ପାଇଁ ଆଜି ଦିଲ୍ଲୀ ସ୍ଥିତ କାର୍ୟ୍ୟାଳୟରେ ହାଜର ହେବାକୁ ଡାକିଛି ସିବିଆଇ । ମାମଲାରେ ଅଖିଳେଶଙ୍କୁ ସାକ୍ଷ୍ୟ ଭାବେ ଉପସ୍ଥିତ ରହିବାକୁ କୁହାଯାଇଛି । ଉତ୍ତରପ୍ରଦେଶର ସମାଜବାଦୀ ପାର୍ଟିର ସରକାର ଥିବା ସମୟରେ ହମିରପୁରରେ ବଡ ଧରଣର ଖଣି ଦୁର୍ନୀତିର ଅଭିଯୋଗ ସାମ୍ନାକୁ ଆସିଥିଲା । ୨୦୧୯ ଜାନୁଆରି ୨ ତାରିଖରେ ସିବିଆଇ ୧୧ ଜଣ ଅଭିଯୁକ୍ତଙ୍କ ନାଁରେ ମାମଲା ରୁଜୁ କରିଥିଲା । ଖଣି ଦୁର୍ନିତୀରେ ବହୁ ସରକାରୀ କର୍ମଚାରୀଙ୍କ ନାଁ ମଧ୍ୟ ରହିଛି । ସିବିଆଇ ଅନୁସାରେ ତତ୍କାଳୀନ -ମୁଖ୍ୟମନ୍ତ୍ରୀ ଅଖିଳେଶ ଯାଦବ ଇ-ଟେଣ୍ଡରି ପ୍ରକ୍ରିୟାକୁ ଉଲ୍ଲଂଘନ କରି ୨୦୧୩ ଫେବ୍ରୁଆରି ୧୭ ତାରିଖରେ ଗୋଟିଏ ଦିନରେ ୧୩ଟି ଖଣି ଖନନ ପ୍ରକଳ୍ପକୁ ମଞ୍ଜୁରି ଦେଇଥିଲେ । ଏହି ମାମଲାରେ ପଚରାଉଚରା କରିବାକୁ ଅଖିଳେଶ ଯାଦବଙ୍କୁ ଦିଲ୍ଲୀ ଡାକିଛି ସିବିଆଇ ।