କନ୍ୟା ସନ୍ତାନ ସହ ବାପା ହେଲେ ଅଭିନେତା ବରୁଣ ଧାୱନ

ମୁମ୍ବାଇ : ବଲିଉଡରୁ ଆସିଲା ଖୁଶି ଖବର । ବାପା ହେଲେ ବଲିଉଡ ଅଭିନେତା ବରୁଣ ଧାୱନ । ସୋମବାର କନ୍ୟା ସନ୍ତାନ ଜନ୍ମ ଦେଇଛନ୍ତି ବରୁଣଙ୍କ ପତ୍ନୀ ନତାଶା। ଏନେଇ ବରୁଣ ଧାୱନଙ୍କ ବାପା ତଥା ନିର୍ଦ୍ଦେଶକ ଡାଭିଡ ଧାୱନ ସୂଚନା ଦେଇଛନ୍ତି। ମୁମ୍ବାଇର ଇନ୍ଦୁଜା ହସ୍ପିଟାଲରେ ବରୁଣ ଧାୱନ ଓ ଡାଭିଡ ଧାୱନ ନଜର ଆସିଥିଲେ। ସେଠାରେ ପ୍ରତିକ୍ରିୟା ଦେଇ ‘ଲକ୍ଷ୍ମୀ ଘରକୁ ଆସିଛନ୍ତି’ ବୋଲି ଡାଭିଡ ଧାୱନ କହିଛନ୍ତି। ପ୍ରକାଶ ଥାଉକି, ୨୪ ଜାନୁୟାରୀ, ୨୦୨୧ରେ ବରୁଣ ଓ ନତାଶାଙ୍କ ବିବାହ ହୋଇଥିଲା। ଆଲିବାଗରେ ଉଭୟଙ୍କ ହାତଗଣ୍ଠି ପଡିଥିଲା। ଅନ୍ୟପକ୍ଷରେ ବରୁଣଙ୍କ ଆଗାମୀ ପ୍ରୋଜେକ୍ଟ କଥା ଯଦି କହିବା, ତେବେ ଖୁବ ଶୀଘ୍ର ‘ବେବି ଜନ୍’ରେ ନଜର ଆସିବେ ବରୁଣ ଧାୱନ। ଏ କାଲେସ୍ୱରନ ସିନେମାନର ନିର୍ଦ୍ଦେଶନା ଦାୟିତ୍ୱ ତୁଲାଉ ଥିବାବେଳେ ମୁରାଦ ଖେତାନି, ପ୍ରିୟା ଏଟଲୀ ଏବଂ ଜ୍ୟୋତି ଦେଶପାଣ୍ଡେ ପ୍ରଯୋଜନା ଦେଇଛନ୍ତି। ମୁଖ୍ୟ ଭୂମିକାରେ ବରୁଣ ଧାୱନଙ୍କ ସହ କିର୍ତ୍ତୀ ସୁରେଶ, ୱାମିକା ଗାବି, ଜ୍ୟାକି ଶ୍ରଫ ଏବଂ ରାଜପାଲ ଯାଦବଙ୍କ ଅନ୍ୟମାନେ ଅଭିନୟ କରିଛନ୍ତି।