ଅଭିନେତା ଜନି ୱାକ୍ଟରଙ୍କୁ ଗୁଳି କରି ହତ୍ୟା

ନୂଆଦିଲ୍ଲୀ : ଭେଟେରାନ ଅଭିନେତା ଜନି ୱାକ୍ଟରଙ୍କୁ ଗୁଳି କରି ହତ୍ୟା। ସେ ଜେନେରାଲ ହସ୍ପିଟାଲରେ ବ୍ରାଣ୍ଡୋ କର୍ବିନଙ୍କ ଭୂମିକା ପାଇଁ ବେଶ ଲୋକପ୍ରିୟତା ହାସଲ କରିପାରିଥିଲେ । ଶନିବାର ସକାଳେ ଲସ୍ ଆଞ୍ଜେଲସ୍ ରେ କିଛି ଦୁର୍ବୁତ୍ତ ତାଙ୍କୁ ଗୁଳି କରି ହତ୍ୟା କରିଥିଲେ। ୱାକ୍ଟରଙ୍କ ମା ଏବଂ ପୋଲିସକୁ ଦର୍ଶାଇଥିବା ଟିଏମଜେଡ଼ ଅନୁଯାୟୀ, ୩୭ ବର୍ଷୀୟ ଏହି ଅଭିନେତା ଶନିବାର ସକାଳେ ଲସ୍ ଆଞ୍ଜେଲସ୍ ରେ ସେ ଏବଂ ତାଙ୍କର ଜଣେ ବନ୍ଧୁ କାରରେ ଥିବା ବେଳେ କିଛି ଦୁର୍ବୁତ୍ତ ଚୋରି କରିବାକୁ ଚେଷ୍ଟା କରୁଥିବାର ଦେଖିଥିଲେ । ଏହାପରେ ସେ ସହି ଦୁର୍ବୁତ୍ତ ମାନଙ୍କୁ କିଛି କହିବା ପୂର୍ବରୁ ସେମାନେ ତାଙ୍କ ଉପରକୁ ଗୁଳି ଚଳାଇଥିଲେ । ଜନି ୱାକ୍ଟରଙ୍କ ମା ସ୍କାରଲେଟ୍ ୱାକ୍ଟର କହିଛନ୍ତି ଯେ ସନ୍ଦିଗ୍ଧଙ୍କ ସହ ମୁହାଁମୁହିଁ ହେବାବେଳେ ଅଭିନେତା ପୁନର୍ବାର ସେମାନଙ୍କୁ ଆକ୍ରମଣ କରିନଥିଲେ । ତଥାପି ସେମାନେ ଗୁଳି ଚଳାଇବା ବନ୍ଦ କରିନଥିଲେ। ପରେ ସେହି ତିନିଜଣ ଦୁର୍ବୁତ୍ତ ଘଟଣାସ୍ଥଳରୁ ଫେରାର ହୋଇଯାଇଥିଲେ । ସନ୍ଦିଗ୍ଧଙ୍କ ସବିଶେଷ ତଥ୍ୟ ଲୁଚାଇ ରଖାଯାଇଛି। ବର୍ତ୍ତମାନ ସୁଦ୍ଧା ସେମାନଙ୍କ ମଧ୍ୟରୁ କାହାକୁ ବି ଗିରଫ କରାଯାଇ ନାହିଁ । ସ୍ଥାନୀୟ ଡାକ୍ତରଖାନା ଦ୍ୱାରା ରାତି ୩ଟା ପରେ ଡାକ୍ତରଖାନାରେ ୱାକ୍ଟରଙ୍କୁ ମୃତ ଘୋଷଣା କରାଯାଇଥିଲା।