ବାଇକ୍-ଟ୍ରକ୍ ମୁହାଁମୁହିଁ

କଟକ : ଦିନକୁ ଦିନ ସଡକ ଦୁର୍ଘଟଣା ସଂଖ୍ୟା ବଢିବାରେ ଲାଗିଛି । ଏହି ଦୁର୍ଘଟଣାରେ ବହୁ ମୂଲ୍ୟବାନ ଜୀବନ ନଷ୍ଟ ହେଉଛି । ତେବେ ଏଭଳି ଏକ ସଡକ ଦୁର୍ଘଟଣା କଟକ ଜିଲ୍ଲାରେ ଦେଖିବାକୁ ମିଳିଛି । କଟକ ଜିଲ୍ଲା ଜଗତପୁର-ସାଲେପୁର ରାସ୍ତାର ପୀରବଜାର ଠାରେ ଏକ ବାଇକ୍ ଓ ଟ୍ରକ୍ ମୁହାଁମୁହିଁ ଧକ୍କା ହୋଇଛି । ଫଳରେ ବାଇକରେ ଯାଉଥିବା ୨ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଛି । ମୃତ ଦୁଇ ବାଇକ୍ ଆରୋହୀଙ୍କ ମଧ୍ୟରୁ ଜଣଙ୍କ ପରିଚୟ ମିଳିଛି । ସେ ହେଲେ ରାଜକନିକାର ସତ୍ୟଜିତ୍ ପାତ୍ର । ଅନ୍ୟ ଜଣଙ୍କ ପରିଚୟ ମିଳିପାରି ନାହିଁ ।
ସୂଚନା ଅନୁସାରେ, ଆଜି ସକାଳ ପ୍ରାୟ ୧୦ଟା ବେଳେ ଏହି ଦୁର୍ଘଟଣା ଘଟିଥିଲା ମାଲ୍ ବୋଝେଇ ଟ୍ରକଟି ସାଲେପୁର ଆଡ଼କୁ ଯାଉଥିବା ବେଳେ ବିପରୀତ ଦିଗରୁ ଆସୁଥିବା ବାଇକ୍ ସହ ମୁହାଁମୁହିଁ ଧକ୍କା ହୋଇଥିଲା । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ କିଛି ସମୟ ପାଇଁ ଉତ୍ତେଜନା ଲାଗି ରହିଥିଲା । ଉତ୍ତ୍ୟକ୍ତ ଲୋକେ ଟ୍ରକକୁ ଅଟକ ରଖିଥିଲେ । ଖବର ପାଇ ଜଗତପୁର ପୁଲିସ୍ ପହଞ୍ଚି ଟ୍ରକକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି । ଦୁର୍ଘଟଣା ପରେ ଟ୍ରକ୍ ଡ୍ରାଇଭର ଫେରାର୍ ଥିବା ଜଣାପଡିଛି ।
https://onakhabar.com/2020/01/27/motherson-dead/