ମର୍ମନ୍ତୁଦ ସଡ଼କ ଦୁର୍ଘଟଣା : ଚାଲିଗଲା ୫ଜଣଙ୍କ ଜୀବନ

ଜାଲୋର : ରାଜସ୍ଥାନ ସ୍ଥିତ ଜାଲୋର ଜିଲ୍ଲାର ଆହୋର ଉପଖଣ୍ଡରେ ଆଜି ବଡ ଧରଣର ସଡକ ଦୁର୍ଘଟଣା ଘଟିଛି । କାର-ଟ୍ରକ ଧକ୍କା ହୋଇ ପାଞ୍ଚ ଜଣଙ୍କ ଜୀବନ ଚାଲି ଯାଇଛି । ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚି ମୃତାହତଙ୍କୁ ଉଦ୍ଧାର କରିଛନ୍ତି । ସୂଚନା ଅନୁଯାୟୀ, ଆହୋରରୁ ତଖତଗଡ ଦେଇ ଯାଇଥିବା ୩୨୫ ନମ୍ବର ଜାତୀୟ ରାଜପଥରେ ଉକ୍ତ କାରଟି ତଖତଗଡରୁ ଚରଲୀ ଆହୋର ଆସୁଥିଲା । ସେହି ସମୟରେ ଆହୋର ନିକଟରେ ରାସ୍ତା କଡରେ ଏକ ଟ୍ରକ ଠିଆ ହୋଇଥିଲା । କାରଟି ଦ୍ରୁତ ଗତିରେ ଥିଲା । ଫଳରେ ଅନିୟନ୍ତ୍ରିତ ହୋଇ ଟ୍ରକ ସହ ଧକ୍କା ହୋଇଥିଲା । ଏହାସହ କାରରେ ଥିବା ୫ ଜଣ ଯାତ୍ରୀଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା । ସ୍ଥାନୀୟ ଲୋକେ ପ୍ରଥମେ ଘଟଣା ବିଷୟରେ ପୁଲିସକୁ ଖବର ଦେଇଥିଲେ । ଖବର ପାଇବା ପରେ ଏସପି ଓ ଜିଲ୍ଲାପାଳ ପହଞ୍ଚିଥିଲେ । ପୁଲିସ ତଦନ୍ତ ଜାରି ରଖିଛି ।