ବାଇକ୍ ଦୁର୍ଘଟଣାରେ ୧ ମୃତ

କନ୍ଧମାଳ: ଜି ଉଦୟଗିରି ନିକଟସ୍ଥ ଶ୍ରୀକଲା ଘାଟିରେ ମଙ୍ଗଳବାର ଏକ ବାଇକ ଦୁର୍ଘଟଣା ଗ୍ରସ୍ତ ହେବା ଫଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଆହତ ହୋଇଛନ୍ତି । ମୃତକ ଜଣକ ହେଲେ ବ୍ରହ୍ମପୁର ନିବାସୀ ଭାଷ୍କର ପଟ୍ଟନାୟକ(୫୫) । ଆହତ ଜଣକ ହେଲେ ମଣିକଣ୍ଠ ରେଡି(୨୨) । ସୂଚନା ଅନୁଯାୟୀ, ଭାଷ୍କର ଓ ମଣିକଣ୍ଠ ଏକ ବାଇକ ଯୋଗେ ବାଲିଗୁଡାରୁ ବ୍ରହ୍ମପୁର ଯାଉଥିବା ବେଳେ ଜି ଉଦୟଗିରିରୁ ପ୍ରାୟ ୫ କିମି ଦୂର ଶ୍ରୀକଲା ଘାଟିରେ ବାଇକଟି ଦୁର୍ଘଟଣା ଗ୍ରସ୍ତ ହୋଇଥିଲା । ଫଳରେ ବାଇକ ଚଳାଉଥିବା ଭାଷ୍କରଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା । ଗୁରୁତର ମଣିକଣ୍ଠଙ୍କୁ ଜି ଉଦୟଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରି ଚିକିତ୍ସା କରାଯାଉଛି । ଘାଟି ଉପରେ ଏକ ଠିକା କମ୍ପାନୀର ଟ୍ରାକ୍ଟରରେ ବୋଝେଇ ହୋଇଥିବା ବିଦ୍ୟୁତ ଖୁଣ୍ଟିକୁ ଓହ୍ଲାଇ ତଳେ ରଖାଯାଉଥିଲା । ଏକ ଇଲେକ୍ଟ୍ରି ଖୁଣ୍ଟି ରାସ୍ତା ମଝିରେ ପଡିଥିବାରୁ ବାଇକଟି ସେଥିରେ ଧକ୍କା ହୋଇ ଦୁର୍ଘଟଣା ଘଟିଥିଲା । ଜି ଉଦୟଗିରି ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଥିବା ଥାନା ଅଧିକାରୀ ସୂଚନା ଦେଇଛନ୍ତି ।