ପ୍ରେମ ସମ୍ପର୍କକୁ ନେଇ ଯୁବତୀଙ୍କୁ ହାଣିଲା ଯୁବକ

ଭୁବନେଶ୍ବର: ପ୍ରେମ ସମ୍ପର୍କକୁ ନେଇ ଯୁବତୀଙ୍କୁ ହାଣିଲା ଯୁବକ। ଏଭଳି ଏକ ଅଭାବନୀୟ ଘଟଣା ଘଟିଛି କଟକ ଜିଲା ନରସିଂହପୁର ଥାନା ବାଲିପୁଟ ଠାରେ। ସୂଚନା ଅନୁଯାୟୀ, କାନପୁର ଥାନା ଜଳକେଳି ଗ୍ରାମର ମିଲି ନାୟକ ବୟସ ୨୮ ବର୍ଷ ନରସିଂହପୁର ବ୍ଲକ ବାଲିପୁଟ ଠାରେ ଥିବା ଇକୋ ରିଟ୍ରିଟରେ ସିକ୍ୟୁରିଟି ଭାବେ କାମ କରୁଥିଲେ। ନରସିଂହପୁର ଥାନା କାଠଖୁଣ୍ଟ ଗ୍ରାମର ଜଗା ନାୟକ ମିଲିକୁ ଭଲ ପାଉଥିଲା।ଉଭୟଙ୍କ ମଧ୍ୟରେ କୌଣସି କାରଣରୁ ଆଗରୁ କଥା କଟାକଟି ହୋଇଥିଲା। ସେହି କାରଣରୁ ଆଜି ଜଗା ନାୟକ ବାଲିପୁଟ ଠାରେ ମିଲି ଇକୋ ରିଟ୍ରିଟରୁ ଡିଉଟି ସାରି ଫେରୁଥିବା ସମୟରେ ବାଟରେ ଜଗା ତାକୁ ଅଟକାଇଥିଲା। ଉଭୟଙ୍କ ମଧ୍ୟରେ ବଚସା ହୋଇଥିଲା। ତାପରେ ଜଗା ମିଲି ଉପରେ ରାଗିଯାଇ ସାଥିରେ ଆଣିଥିବା ଏକ କଟୁରିରେ ମିଲିର ବେକକୁ ହାଣି କଟୁରିକୁ ଫିଙ୍ଗି ପଳାଇଯାଇଥିଲା। ସ୍ଥାନୀୟ ଲୋକମାନେ ଦେଖି ପୋଲିସକୁ ଖବର ଦେଇଥିଲେ। ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହିତ ଜଗାକୁ ଗିରଫ କରିଛି। ମିଲି  ଅବସ୍ଥା ଗୁରୁତର ହେବାରୁ ତାକୁ ପ୍ରଥମେ ଯୋଡୁମ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ କଟକ ବଡ ଡାକ୍ତରଖାନାକୁ ପଠାଇ ଦିଆଯାଇଛି।