ବେଙ୍ଗାଲୁର: କର୍ଣ୍ଣାଟକ ରାଜଧାନୀ ବେଙ୍ଗାଲୁରୁରେ ମଙ୍ଗଳବାର ସକାଳେ ଜଣେ ବ୍ୟକ୍ତି ଫ୍ଲାଇଓଭର୍ ଉପରୁ ବିଡ଼ା ବିଡ଼ା ୧୦ ଟଙ୍କିଆ ନୋଟ୍ ଉଡ଼ାଇଛନ୍ତି । ଏହାର ଏକ ଭିଡିଓ ସାମ୍ନାକୁ ଆସିଛି । ଭିଡିଓରେ ବେକରେ ଘଣ୍ଟା ଟାଙ୍ଗିଥିବା ଜଣେ ବ୍ୟକ୍ତି ଫ୍ଲାଇଓଭର୍ ଉପରେ ଛିଡ଼ାହୋଇ ୧୦ ଟଙ୍କିଆ ନୋଟ୍ ଉଡ଼ାଉଥିବା ଦେଖିବାକୁ ମିଳୁଛି ।
ଟଙ୍କା ଗୋଟାଇବା ପାଇଁ ଫ୍ଲାଇଓଭର୍ ତଳେ ଲୋକଙ୍କ ଭଡ଼ି ଜମିଥିଲା। କେବଳ ଏତିକି ନୁହେଁ ଫ୍ଲାଇଓଭର୍ରେ ଯାତାୟାତ କରୁଥିବା ଲୋକେ ମଧ୍ୟ ଗାଡ଼ି ରୋକି ନୋଟ୍ ଗୋଟାଇବା ସହ ସମ୍ପୃକ୍ତ ବ୍ୟକ୍ତି ନିକଟକୁ ଯାଇ ଟଙ୍କା ମାଗିଥିଲେ । ଏଥିଯୋଗୁଁ ଫ୍ଲାଇଓଭର୍ରେ ଜାମ୍ ଲାଗିଯାଇଥିଲା । ସୂଚନା ପାଇଁ ପୁଲିସ ଘଟଣାସ୍ଥଳରେ ପହଞ୍ଚି ନୋଟ୍ ଉଡ଼ାଇଥିବା ବ୍ୟକ୍ତିଙ୍କୁ ଗିରଫ କରିଛି । ପୁଲିସ କହିଛି ୩୦ ବର୍ଷୀୟ ବ୍ୟକ୍ତି ଜଣକ ମୋଟ ୩ ହଜାର ଟଙ୍କା ଉଡ଼ାଇଛି । ବ୍ୟକ୍ତି ଜଣକ ମାନସିକ ବିକାରଗ୍ରସ୍ତ ହୋଇଥାଇପାରେ ବୋଲି ପୁଲିସ ସନ୍ଦେହ କରୁଛି।
