ଏସସିବି ବୁଲିଲେ ସାଂସଦ ସଂତୃପ୍ତ ମିଶ୍ର

ଭୁବନେଶ୍ୱର: ନବ ନିର୍ବାଚିତ ରାଜ୍ୟସଭା ସାଂସଦ ସନ୍ତୃପ୍ତ ମିଶ୍ର କଟକ ବଡ ମେଡିକାଲ ଟ୍ରମା କେୟାର ଆଇସିୟୁର ଦୁର୍ଘଟଣାସ୍ଥଳ ବୁଲି ଦେଖିବା ସହ ସଂକଟାପନ୍ନ ରୋଗୀଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିଛନ୍ତି । ମେୟର ସୁବାସ ସିଂ ଓ ଅନ୍ୟ ମାନଙ୍କ ସହ ଆସି ପୁରା ଆଇସିୟୁ ଓ ନ୍ୟୁରୋ ସର୍ଜରୀ ବିଭାଗ ବାବଦରେ ପଚାରି ବୁଝିଥିଲେ । ପରେ ନିଜ ପ୍ରତିକ୍ରିୟାରେ ସେ କହିଥିଲେ ଘଟଣା ଦୁଃଖଦାୟକ। ଏତେ ବଡ ମେଡିକାଲରେ ଏପରି ଘଟଣା ଘଟିଲା ପରେ କାହିଁକି ବଡ ବଡ ଅଧିକାରୀ ଏପରିକି ମନ୍ତ୍ରୀ ଉତ୍ତର ଦାୟିତ୍ବ ନେଇ ଇସ୍ତଫା ଦେଲେ ନାହିଁ ବୋଲି ସେ ପ୍ରଶ୍ନ କରିଛନ୍ତି । ମନ୍ତ୍ରୀ ନ ହେଲା ନାହିଁ ବଡ ଅଧିକାରୀଙ୍କୁ ବହିସ୍କୃତ ନ କରି ତଳତଳିଆଙ୍କୁ ନିଲମ୍ବନ କଲେ କଣ ହେବ। ତେଣୁ ପୁରା ବଡ ମେଡିକାଲ ଓ ରାଜ୍ୟର ସମସ୍ତ ମେଡିକାଲର ବ୍ୟବସ୍ଥାକୁ ତୁରନ୍ତ ପୁଙ୍ଖାନୁପୁଙ୍ଖ ଭାବେ ପରୀକ୍ଷା କରାଯାଇ ମରାମତି କରିବାକୁ ସେ ଦାବୀ କରିଛନ୍ତି। ଖାଲି ଦୋଷ ପୂର୍ବ ସରକାରକୁ ଦେଲେ ଆପଣ ଲୋକଙ୍କ ରୋଷର ଶୀକାର ହେବେ ବୋଲି ସଂନ୍ତୃପ୍ତ କହିଛନ୍ତି।