ବେଙ୍ଗାଲୁରୁ ଲବି, ଦୁଇ ଅଟକ : ଶିବକୁମାର

ନୂଆଦିଲ୍ଲୀ: ବେଙ୍ଗାଲୁରୁରେ ଓଡ଼ିଶାର କଂଗ୍ରେସ ବିଧାୟକଙ୍କୁ ପ୍ରଭାବିତ ଉଦ୍ୟମ ଘଟଣାରେ ଓଡ଼ିଶାରୁ ଯାଇଥିବା ୪ ଜଣଙ୍କ ମଧ୍ୟରୁ ୨ ଜଣ ଅଟକ ରଖାଯାଇଛି। ଏ ନେଇ ସୂଚନା ଦେଇଛନ୍ତି ଉପମୁଖ୍ୟମନ୍ତ୍ରୀ ଶିବକୁମାର। ରାଜ୍ୟସଭା ଭୋଟ୍ ପାଇଁ ୫ କୋଟି ଟଙ୍କା ପ୍ରସ୍ତାବ ଦେବା କଥା ସ୍ଵୀକାର କରିଛନ୍ତି। ସେମାନଙ୍କ ମଧ୍ୟରୁ ଦୁଇ ଜଣ ପଳାଇଯାଇଥିବାବେଳେ ଅନ୍ୟ ଦୁଇ ଜଣଙ୍କୁ ଧରାଯାଇଛି। ସୂଚନା ଅନୁଯାୟୀ ଆଜି ଘୋଡା ବେପାର ନେଇ ବିଜେପି ସମର୍ଥିତ ସ୍ବାଧୀନ ପ୍ରାର୍ଥୀ ଦିଲ୍ଲୀପ ରାୟଙ୍କ ବିରୋଧରେ ସାଂଘାତିକ ଅଭିଯୋଗ ସାମ୍ନାକୁ ଆସିଥିଲା। କଂଗ୍ରେସ ସାଂସଦ ସପ୍ତଗିରି ଉଲାକା ଏଭଳି ଅଭିଯୋଗ ଆଣିଥିଲେ । ସେ କହିଥିଲେ କଂଗ୍ରେସ ବିଧାୟକ ମାନଙ୍କୁ ପ୍ରଲୋଭିତ କରିବାକୁ ଉଦ୍ୟମ ଜାରି ରହିଛି। ବେଙ୍ଗାଲୁର ସ୍ଥିତ ହୋଟେଲରେ ଥିବା ବିଧାୟକ ମାନଙ୍କୁ ବ୍ଲାଙ୍କ୍ ଚେକ୍ ଦିଆଯିବା ସହ ୫ କୋଟି ଟଙ୍କା ଅଫର କରାଯାଉଛି। ଓଡିଶାରୁ ୪ ଜଣ ଲୋକ ଆସିଛନ୍ତି। ସେମାନଙ୍କୁ ଦିଲ୍ଲୀପ ରାୟ ପଠାଇଛନ୍ତି। ଏଠି ଆମର ୮ ଭୋଟ୍ ଓ ଭୁବନେଶ୍ଵରରେ ଆଉ ୬ ଭୋଟ୍ ସୁରକ୍ଷିତ ଅଛି। ମୋବାଇଲ୍ କଲ୍ ଡିଟେଲ୍‌ସ ମଧ୍ୟ ସେ ଦେଖାଇଥିଲେ।