ୱାସିଂଟନ: ବିଶ୍ୱର ସବୁଠାରୁ ଧନୀ ବ୍ୟବସାୟୀ ଏଲନ୍ ମସ୍କ, ପ୍ରଯୁକ୍ତିବିଦ୍ୟା ଓ ମହାକାଶ ଜଗତରେ ଏକ ବଡ଼ ତଥା ସାହସିକ ପଦକ୍ଷେପ ନେଇଛନ୍ତି। ମସ୍କ ତାଙ୍କର ମହାକାଶ ଅନୁସନ୍ଧାନ କମ୍ପାନୀ ସ୍ପେସ୍ ଏକ୍ସ ଓ କୃତ୍ରିମ ବୁଦ୍ଧିମତ୍ତା (ଏଆଇ) କମ୍ପାନୀ ଏକ୍ସ ଏଆଇକୁ ମିଶ୍ରଣ କରିବାକୁ ନିଷ୍ପତ୍ତି ନେଇଛନ୍ତି। ଏହି ରଣନୈତିକ ପଦକ୍ଷେପ ମସ୍କଙ୍କ ପ୍ରଯୁକ୍ତିବିଦ୍ୟା ଶକ୍ତିକୁ ଆହୁରି ମଜବୁତ କରି ବିଶ୍ୱ ବଜାରରେ ପାଦ ସୁଦୃଢ଼ ପାଇଁ ଲକ୍ଷ୍ୟ ରଖିଥିବା କମ୍ପାନୀ ପକ୍ଷରୁ କୁହାଯାଇଛି। ତେବେ ଏହି ମିଶ୍ରଣ ମାଧ୍ୟମରେ, ସେ ଏଲନ ମସ୍କ ସୁପର୍ ଟେକ୍ ଆଇପିଓ ପାଇଁ ପ୍ରସ୍ତୁତି ଆରମ୍ଭ କରିଦେଇଥିବା ସୂଚନା ମିଳିଛି। ଚଳିତ ବର୍ଷ ଶେଷ ସୁଦ୍ଧା ଏହା ବଜାରକୁ ଆସିପାରେ ବୋଲି ଅନୁମାନ କରାଯାଉଛି। କମ୍ପାନୀର ଆଇପିଓ ସାଧାରଣ ଲୋକଙ୍କୁ ମସ୍କଙ୍କ ଶକ୍ତିଶାଳୀ କମ୍ପାନିରେ ନିବେଶ କରିବାକୁ ଅନୁମତି ଦେବ। ଏହି ପଦକ୍ଷେପ ନିବେଶକମାନଙ୍କ ସହିତ ବିଶ୍ୱ ଷ୍ଟକ୍ ବଜାର ପାଇଁ ମଧ୍ୟ ଗୁରୁତ୍ୱପୂର୍ଣ୍ଣ ହେବାକୁ ଯାଉଛି।
ଏସମ୍ପର୍କରେ ସ୍ପେସ୍ଏକ୍ସ ଆନୁଷ୍ଠାନିକ ଭାବରେ ଘୋଷଣା କରିଛି ଯେ, ଏହା ଏକ୍ସ ଏଆଇକୁ ସମ୍ପୂର୍ଣ୍ଣ ଭାବରେ ଅଧିଗ୍ରହଣ କରିଛି। ଏହି ପ୍ରମୁଖ ମିଶ୍ରଣ ସହିତ, ମସ୍କଙ୍କ ଅନେକ ପ୍ରମୁଖ ପ୍ରଯୁକ୍ତିବିଦ୍ୟା, ଯେପରିକି ଏଆଇ ଚାଟବଟ୍ ଗ୍ରୋକ୍ ଓ ଷ୍ଟାରଲିଙ୍କ୍ ଏବେ ଗୋଟିଏ ଛାତ ତଳେ କାର୍ଯ୍ୟ କରିବ। ଏହି ପଦକ୍ଷେପ ମସ୍କଙ୍କ ସମସ୍ତ ପ୍ରଯୁକ୍ତିବିଦ୍ୟା କମ୍ପାନିଗୁଡ଼ିକର ଶକ୍ତିକୁ ଏକାଠି କରିବା ପାଇଁ ବୃହତ୍ତର ଯୋଜନାର ଏକ ଅଂଶ। ଏହି ମିଶ୍ରଣ ସହିତ ସ୍ପେସଏକ୍ସ ଓ ଏଆଇ ମହାକାଶ-ଭିତ୍ତିକ କମ୍ପ୍ୟୁଟିଂକୁ ବାସ୍ତବରେ ପରିଣତ କରିବା ପାଇଁ ଏକାଠି କାମ କରିବେ। ଏହି ପ୍ରଯୁକ୍ତିବିଦ୍ୟା ଭବିଷ୍ୟତରେ ଡାଟା ପ୍ରକ୍ରିୟାକରଣ ଓ ବିଶ୍ୱ ଯୋଗାଯୋଗକୁ ସମ୍ପୂର୍ଣ୍ଣ ରୂପାନ୍ତରିତ କରିବାର ଆଶା ରହିଛି। ଯାହା ସମଗ୍ର ବିଶ୍ୱରେ ଏକ ବିପ୍ଳବ ଆଣିବାର ଯଥେଷ୍ଟ ସମ୍ଭାବନା ରହିଛି। ମସ୍କଙ୍କ ପ୍ରଯୁକ୍ତିବିଦ୍ୟା ବିସ୍ତାର କରିବା ନିଷ୍ପତ୍ତି ସାରା ବିଶ୍ୱର ଲୋକଙ୍କ ପାଇଁ ଇଣ୍ଟରନେଟ୍ ଓ କୃତ୍ରିମ ବୁଦ୍ଧିମତ୍ତାର ଉପଲବ୍ଧତାକୁ ଉଲ୍ଲେଖନୀୟ ଭାବରେ ଉନ୍ନତ କରିବ। ଏହି ମିଶ୍ରଣ ପ୍ରଯୁକ୍ତିବିଦ୍ୟା ବିକାଶକୁ ତ୍ୱରାନ୍ୱିତ କରି ମସ୍କଙ୍କ ବିଶ୍ୱସ୍ତରୀୟ ମହତ୍ତ୍ୱାକାଂକ୍ଷାକୁ ନୂତନ ଉଚ୍ଚତାକୁ ନେଇଯିବ। ମସ୍କ ଏକ ପାୱାରହାଉସ୍ କମ୍ପାନୀ ନିର୍ମାଣ କରୁଛନ୍ତି ଯାହା ମହାକାଶ, ଏଆଇ ଓ ଇଣ୍ଟରନେଟ୍କୁ ମିଶ୍ରଣ କରିବ।
