ବୋମା ଖାଇ ଗୁରୁତର ହାତୀ ମୃତ

ଅନୁଗୁଳ: ଅନୁଗୁଳରେ ଗତକାଲି ଠାବ ହୋଇଥିବା ଅସୁସ୍ଥ ହାତୀର ଜୀବନ ଯାଇଛି । ଗୁରୁତର ହାତୀକୁ କପିଳାସ  ସ୍ଥାନାନ୍ତର  କରାଯାଉଥିବା ବେଳେ ବାଟରେ  ତାର ମୃତ୍ୟୁ  ହୋଇଥିବା ଜଣାପପଡିଛି । ସୂଚନା ଅନୁସାରେ  ବନ୍ତଳା ବନାଞ୍ଚଳ ବାଳୁଅକଟା  ଗାଁ ନିକଟରେ  ଗତକାଲି ସାକଳେ  ଏକ  ୫ ବର୍ଷର ହାତୀ  ଗୁରୁତର  ହୋଇ ପଡିଥିଲା ।  ହାତୀ କେଉଁ ସ୍ଥାନକୁ  ହାତ ତିଆରି ବୋମା ଖାଇଥିବା ବେଳେ  ପାଟିରେ  ଗଭୀର କ୍ଷତ  ହୋଇଥିଲା ।  ପାଟିରୁ ରକ୍ତ ଝରିବା ସହିତ  ହାତୀ  ମାଟିରୁ  ଉଠି ପାରିନଥିଲା ।  ତେବେ ବନବିଭାଗ ବାଳୁଅକଟା ଗାଁରେ  ପହଞ୍ଚି  ହାତୀର ଚିକିତ୍ସା ଆରମ୍ଭ କରିଥିଲା ।  ତେବେ ହାତୀର ସ୍ୱାସ୍ଥ୍ୟାବସ୍ଥାରେ ସୁଧାର ନଆସିବାରୁ କପିଳାସରେ  ପହଞ୍ଚିବା ପୂର୍ବରୁ  ହାତୀର ଜୀବନ ଚାଲିଯାଇଥିଲା ।